Elimizdegi etnomádenı birlestikterdiń ókilderi referendým ótkizýdi qoldap otyr

ALMATY. 25 qańtar. QazAqparat /Ádilet Musahaev/ - Elimizdegi orys, slavıan, kazak jáne basqa da etnomádenı birlestikterdiń basshylary Elbasynyń ókilettigin 2020 jylǵa deıin uzartý jónindegi referendýmdy qoldaıtyndyqtaryn bildirip, ún qatty.

«Tuńǵysh Prezıdenttiń basqarýymen bizdiń respýblıka áli de bıik belesterdi baǵyndyryp, mándi nátıjelerge qol jetkize otyryp, ishki jáne syrtqy saıasattaǵy jetistikterimen Ortalyq Azııaǵa úlgi bolady», - delingen etnomádenı birlestik jetekshileriniń úndeýinde.

Qazaqstan halyqtary Assamblıasynyń múshesi, «Voshıl» - «Bratstvo» Ingýsh mádenı ortalyǵynyń tóraǵasy, QR UǴA akademıgi Sultan Ozdaev 1995 jyly alǵash Prezıdenttiń ókilettigin uzartýǵa baǵyttalǵan referendým kezinde "bul durys sheshim be?" degen suraqtar týǵandyǵyn aıtady. «Alaıda, ýaqyt bizdiń durys sheshim qabyldaǵanymyzdy kórsetti. Qazaqstandyqtar baryn qadirleı bilý kerek, elde beıbitshilik pen kelisimdi saqtaý úshin referendýmdy bıyl ótkizý kerek», - deıdi S.Ozdaev.