Elimizdegi eń belsendi volonterler Qyzylorda men Atyraý oblystarynda turady

ASTANA. QazAqparat – Qazaqstanda eń belsendi volonterlerlik qyzmetpen aınalysatyn jastar Qyzylorda men Atyraý oblystarynda turady. Bul týraly Jastar jáne otbasy isteri komıteti ashyq talqyǵa shyǵarǵan 2023-2029 jyldarǵa arnalǵan memlekettik jastar saıasatynyń tujyrymdamasynda kórsetilgen, dep habarlaıdy QazAqparat tilshisi.

«Volonterlik, eriktilik qyzmetpen aınalysý týraly saýalnama nátıjelerine sáıkes, eń belsendi volonterler Qyzylorda (27,4%) jáne Atyraý (12,7%) oblystarynda turady. Jastar arasynda volonterlik sabaqtarǵa suranys qalyptasyp qana qoımaı, sonymen birge jınaqtalǵan praktıkalar de bar, olar tek volonterlikke ǵana emes, basqa salalarǵa da jıyntyq áser ete alady. Demek, volonterlik jobalardy qıylysý núkteleri men áleýeti bar salalarda: formaldy emes bilim berý, ǵylymı qyzmet, sport jáne taǵy da basqa salalarda bastaǵan jáne damytqan jón. Bul baǵyttar granttyq qarjylandyrý taqyryby men kólemin keńeıtý qajettigin kórsetedi», - delingen qujatta.

Sonymen qosa, atalǵan tujyrymdamada qazaqstandyqtardyń 14,6% tehnıkalyq jáne kásibı bilimmen qamtylǵany jazylǵan.

Qujat 28 aqpanǵa deıin kópshilik talqylaýda bolady.