Elimizdegi elektr berý jelileriniń kóbi 40-50 jyl buryn salynǵan

ASTANA. QazAqparat – Qoldanystaǵy kóptegen joǵary voltty elektr berý jelileri 40-50 jyl buryn salynǵan jáne olardyń paıdalaný ýaqyty jobalyq merzimnen edáýir asady. Bul týraly Energetıka mınıstrligi ashyq talqyǵa shyǵarǵan Intellektýaldy energetıkalyq júıe tujyrymdamasynda jazylǵan, dep habarlaıdy QazAqparat tilshisi.

«Qazirgi ýaqytta Qazaqstanda elektr energııasyn ártúrli menshik nysanyndaǵy 200-den astam elektr stantsııalary júzege asyrady. Al eldegi ulttyq elektr jelileriniń quramyna jalpy uzyndyǵy 27 myń kılometrden astam 0,4-1150 kV elektr berý áýe jelileri jáne kerneýi 220-1150 kV 79-dan astam elektr qosalqy stantsııalary kiredi. Óz kezeginde taratý jelilerinde Qazaqstan úshin aıtarlyqtaı shyǵyndar bar. Qazirgi ýaqytta jumys istep turǵan kóptegen joǵary voltty elektr berý jelileri 40-50 jyl buryn salynǵan jáne paıdalaný merzimi jobadan edáýir asady», - delingen qujatta.

Osy máselelerdiń sheshimi retinde mınıstrlik Intellektýaldy energetıkalyq júıe tujyrymdamasyn bekitýdi usynyp otyr. Onyń negizinde 2035 jylǵa deıin eldegi elektr berý júıelerin jańartý, elektr energııasyn «aqyldy» tehnologııalardyń kómegimen óndirý jáne salany tsıfrlandyrý sharalary qabyldanbaq.

Qujatty ashyq talqylaý 30 jeltoqsanǵa deıin jalǵasady.