Elimizdegi balabaqshalarda 15 myńnan astam kezekshi top jumys istep tur
19:11, 01 Qyrkúıek 2020
NUR-SULTAN. QazAqparat – Ata-analardyń suraýy boıynsha balabaqshalarǵa balalardyń jalpy sanynyń 18,7 paıyzy barady. Bul týraly QR Bilim jáne ǵylym mınıstrliginen málim boldy, dep habarlaıdy QazAqparat tilshisi.
«Elimiz boıynsha mektepke deıingi bilimmen 900 myńǵa jýyq bala qamtylǵan. Karantındik shekteýler jaǵdaıynda ata-analardyń qalaýy boıynsha balabaqshalarǵa balalardyń jalpy sanynyń 18,7 paıyzy barady», - delingen mınıstrlik málimetinde.
Qazirgi kezde elimizde barlyq sanıtarlyq talaptardy saqtaı otyryp, 15 709 kezekshi top jumys isteıdi.
Budan buryn habarlanǵandaı, jaqynda QR Premer-Mınıstriniń orynbasary Eraly Toǵjanov mektepter men balabaqshalar aıryqsha baqylaý nysanyna aınalýy tıis ekenin aıtqan edi.