Elimizdegi áskerı bólimderde Qazaq handyǵynyń 550 jyldyǵyna oraılastyrylǵan is-sharalar ótýde (FOTO)
Áskerı qyzmetshilerge memlekettiligimizdiń qurylýy týraly tarıhı derekti fılmder kórsetilýde, kórmeler, konferentsııalar, dóńgelek ústelder, teatrlanǵan qoıylymdar men merekelik kontsertter ótkizilip jatyr.
Áýe qorǵanysy kúshteri bas qolbasshysynyń basqarmasynda «Qazaq batyrlarynan bastap ǵarysh keıipkerlerine deıingi» atty konferentsııa ótti. Avıatorlar áıgili qazaqstandyq tarıhshy, memleket tarıhy ınstıtýtynyń dırektory Búrkitbaı Aıaǵanovpen kezdesti. Professor ofıtserlerge búgingi reformalaýdyń barlyq salalaryndaǵy, onyń ishinde áskerı saladaǵy jetistikter elimizdiń QK Joǵarǵy Bas qolbasshysy - QR Prezıdenti Nursultan Nazarbaevtyń qyzmetimen tikeleı baılanysty ekenin atap ótip, XVII-XVIII ǵasyrlardaǵy qazaqtyń memlekettik bıliginiń tarıhı erejelerin egjeı-tegjeıli aıtyp berdi.
Áýe qorǵanysy kúshterimen qatar, Aeroutqyr áskerleri men Áskerı polıtsııasy bas basqarmasynda Qazaqstan tarıhyndaǵy ataýly kúnge oraı is-sharalar daıyndaldy. 68665 áskerı bóliminiń 400-ge jýyq áskerı qyzmetshisi, sondaı-aq 50 áskerı polıtsııa aýqymdy fleshmobqa qatysady. Fleshmobty Astanadaǵy jańa muz aıdyny saraıynda 11 qyrkúıekte ótkizý josparlanýda. Ol kóz tartarlyq jáne aýqymdy is-shara bolady dep kútilýde.