Elimizde jyljymaıtyn múlikke birlesip ınvestıtsııa salatyndar qatary artty

ASTANA. QazAqparat – Qazaqstan rıeltorlarynyń Birikken assotsıatsııasy prezıdentiniń keńesshisi Nına Lýkıanenko búginde jyljymaıtyn múlikti ınvestıtsııalaýdyń jańa túri paıda bolǵanyn aıtty, dep habarlaıdy QazAqparat tilshisi.

«Satyp alýshylardyń jeke qajettiligine baılanysty túrli nysandarǵa suranys bar. Alaıda, jaqynda paıda bolǵan jańa ınvestıtsııalyq suranysty atap ótken jón. ıAǵnı, ınvestıtsııa maqsatynda jyljymaıtyn múlikti satyp alyp, ony jalǵa berý. Sonymen qatar, flıpıng dep atalatyn ádis bar. Onda azamattar páter nemese bıznes kesheninen oryn satyp alyp, jóndeý júrgizip, keıin ony qymbatqa satady. Osyndaı maqsat boıynsha múlik satyp alýǵa nıettiler eski ári arzan páterler men kásipkerlikke arnalǵan oryndardy izdeıdi», - dedi Nına Lýkıanenko tilshi saýalyna jaýap bere otyryp.

Spıker qazirgi naryqta ujymdyq ınvestıtsııanyń jańa túri paıda bolǵanyn atap ótti.

«Qazir ujymdyq ınvestıtsııanyń jańa túri paıda boldy. Ol degenimiz birneshe adam qandaı da bir páterdi nemese bızneske arnalǵan oryndy birlesip satyp alý. ıAǵnı, obektini alýǵa qajetti somany bólisip tóleıdi», - dep túsindirdi Nına Lýkıanenko.

Buǵan qosa spıker turǵyn úı baǵasynyń tómendeýi kem degende birneshe aıǵa, tipti jyl sońyna deıin jalǵasýy múmkin ekenin málimdedi.