Elimizde jyl saıyn shamamen 15 myń adam túrmege qamalady
«Elimizde jylyna shamamen 15 000 adam túrmege qamaýǵa alynady. Onyń kópshiligi qysqa merzimdi jaza bolǵandyqtan, az ýaqyttyń ishinde bosap shyǵady. Qazir qylmystyq-atqarý júıesi mekemelerinde bas bostandyǵynan aırylǵan 28 myń adam jazasyn ótep jatyr. Osydan 10 jyl buryn elimiz tutqyndardyń sany boıynsha álemdik reıtıngide 31-oryndy ıelense, qazir 100-shi bolyp tur. 100 myń turǵynǵa 202 tutqynnan keledi. Qazaqstanda túrmege qamalatyndar eki ese qysqardy. Aıtar bolsaq, 2010 jylǵy 63 myń adam túrmege qamalsa, 2020 jyly 30 myńǵa deıin tómendedi», - dep jaýap berdi Іshki ister mınıstrligi QazAqparattyń resmı saýalyna.
Atalǵan vedomstvonyń málimetinshe, jyl saıyn shamamen 6 265 adam túrmeden shyǵady.
«Jazasyn ótep shyqqan azamattar áleýmettik kómekke muqtaj. Olar qoǵamǵa qaıta beıimdelip, tirshiligin jalǵastyrý úshin eńbekpen qamtylýy tıis. 2014 jylǵy Úkimet qaýlysyna sáıkes elimizde probatsııa qyzmeti jumys isteıdi. Oǵan sáıkes jergilikti atqarýshy organdar probatsııa qyzmeti tıesili jandarǵa áleýmettik-quqyqtyq kómek kórsetýdi uıymdastyrady. Zańda probatsııanyń tolyq tsıkli qarastyrylǵan. Buryn bizde probatsııanyń tek eki modeli boldy – úkimdik jáne penıtentsıarlyq. Al, 2017 jyldan bastap «Probatsııa týraly» zańǵa ózgeris engizilip, taǵy eki model qosyldy», - deıdi vedomstvodan.