Elimizde jyl saıyn elektr tutyný kórsetkishi artyp keledi
«Búgingi kúni elimizde elektr energııasyn óndirý 64,4 mıllıard kVt/saǵatty quraıdy. Bul byltyrǵy deńgeıge qaraǵanda 101,1 paıyzǵa teń. Mundaǵy tutyný 62,7 mıllıard kVt/saǵatty qurap, byltyrǵy kórsetkishten 0,7 paıyzǵa joǵary. Osynyń ózi tutyný kórsetkishiniń jyl saıyn ósip otyrǵanyn kórsetedi, ıaǵnı bul basty ekonomıkalyq kórsetkishterdiń barlyq salasynda ilgerileýshilik bar degendi bildiredi», - dedi vıtse-mınıstr.
Sonymen qatar, B. Jaqsalıev kúzgi-qysqy jylytý maýsymyna daıyndyq barysyna toqtala kele, aǵymdaǵy jylǵy jospar boıynsha birqatar jumystar atqarylǵanyn atap ótti.
«Máselen, búgingi kúni 9 energoblok, 167 qazandyq pen 47 týrbınalar jóndeýden ótti. Jalpylama alǵanda, jumystyń barlyǵy bekitilgen keste boıynsha júrgizilip keledi. Azǵantaı aýytqýshylyqtar da bar, degenmen olar qysqy kezeńde energokeshenderdiń jumysyna esh áser etpeıdi», - deıdi B. Jaqsalıev. Sonymen qatar, vıtse-mınıstr qysqy maýsymda elimizde júktemeniń joǵary deńgeıde bolýy kútiletinin atap ótti. Máselen, onyń sózine qaraǵanda, aǵymdaǵy jyly bul 13,500 MVt quraıtyn bolady. Bul kórsetkish byltyr 13,290 MVt quraǵan edi.