Elimizde jyl basynan beri 72 mln-ǵa jýyq tonna kómir óndirildi
12:03, 25 Qyrkúıek 2020
NUR-SULTAN. QazAqparat – Kómir eksporty jeti aıda bolmashy ǵana tómendese (3 paıyz), alaıda aqshalaı máni birden 27 paıyzǵa tómendegen. Bul týraly QazAqparat energyprom.kz saıtyna silteme jasap habarlaıdy.
2020 jyldyń qańtar-tamyz aılarynda qońyr kómir men kómir kontsentratyn qosa alǵanda 71,7 tonna tas kómir óndirilgen – bul ótken jylmen salystyrǵanda 0, 3 paıyzǵa az. Aqshalaı mánde kómir óndirý kólemi 211,5 mlrd teńgeni quraǵan.
Eske sala ketsek, byltyrǵy jyldyń qańtar-tamyz aılarynda 71,9 tonna kómir óndirilgen, ol aldyńǵy jyl kórsetkishterinen qaraǵanda 2,3 paıyz az bolǵan. Jalpy alǵansha, 2019 jyldyń qańtar-jeltoqsan aılarynda elde 115,4 mln. tonna kómir shyǵaryldy.
QR Indýstrııa jáne ınfraqurylymdyq damý mınıstrliginiń málimetinshe, aǵymdaǵy jyldyń sońyna deıin óndiris kólemi 117 mıllıonǵa deıin ósiriledi. Onyń kóptegen bóligi ishki naryqqa ótedi.