Elimizde jumyssyz áıelder sany artqan

ASTANA. QazAqparat – Qazaqstanda áıelderdi eńbekpen qamtý jaǵdaıy qıyndap barady. Er adamdarǵa qaraǵanda áıelder arasynda jumyssyzdyq basym, dep habarlaıdy QazAqparat Energyprom.kz resýrsyna silteme jasap.

Áıelder arasyndaǵy jumyssyzdyq máselesi alǵash ret baıqalyp otyrǵan joq.

Ótken jyldyń úshinshi toqsanynda elimizdegi jumyssyzdar sany 450,3 myń adamǵa jetti. Bul kórsetkish 2021 jyldyń sáıkes kezeńimen salystyrǵanda 0,1%-ǵa az.

Qazaqstanda jumyssyzdar sany ekinshi jyl qatarynan qysqaryp jatyr. Degenmen 2019 jyldyń úshinshi toqsanymen salystyrǵanda kórsetkish áli de 1,9%-ǵa joǵary.

Elimizdegi jumyssyzdyq deńgeıi bir jylda ózgergen joq. Ótken jyldyń úshinshi toqsanynda 4,9%, 2020 jyldyń tıisti kezeńinde kórsetkish 5% edi.

Al 2019 jyldyń úshinshi toqsanynda ol 4,8%-dy qurady.

2022 jyldyń úshinshi toqsanynda jumyssyzdyqtyń eń joǵary deńgeıi Túrkistan jáne Mańǵystaý oblystarynda baıqaldy. ıAǵnı 5,3%.

Sondaı-aq, Almaty men Shymkentte, Qyzylorda oblysy jáne BQO-da jumyssyzdyqtyń ortasha deńgeıi 5%-dan joǵary boldy.

Óńirler arasynda jumyssyzdyqtyń eń tómen deńgeıi Ulytaý oblysynda (4,1%). Odan keıin Qaraǵandy oblysy (4,3%) jáne Astana qalasy (4,5%) ornalasqan.

Qalalarda jumyssyzdyq deńgeıi aýyldarǵa qaraǵanda joǵary 4,9 paıyz kórsetkish 4,8%-ǵa qarsy.

Sonymen qatar, ótken jylmen salystyrǵanda qalalarda jumyssyzdyq deńgeıi tómendedi, al aýyldarda kerisinshe ósti.

Qalalyq jerde jumyssyz halyq sany bir jyl ishinde 0,7%-ǵa, ıaǵnı 271,2 myń adamǵa qysqardy, al aýylda 0,8%-ǵa, nemese 179,1 myń adamǵa deıin ósti.

Genderlik turǵydan alǵanda, áıelderdiń jumyssyzdyq deńgeıi erler deńgeıinen edáýir joǵary. 5,7% qarsy 4,1% jáne bul kórsetkish 2012 jyldan beri eń úlken alshaqtyq retinde saqtalyp keledi.

Bir jyl buryn áıelderdiń jumyssyzdyq deńgeıi 5,5%, al erler arasynda 4,3%-dy qurady.

Qazaqstanda jumyssyz áıelder sany bir jylda birden 4,3%-ǵa ósip, ótken jyldyń úshinshi toqsanynda 257,4 myń adamǵa jetti, al jumyssyz erler sany 5,5%-ǵa ıaǵnı 192,9 myńǵa deıin qysqardy.