Elimizde joldardy salý boıynsha 200 myń adam jumyspen qamtylady

ASTANA. QazAqparat - Elbasymyz N.Á.Nazarbaev «Nurly jol - bolashaq­qa bastar jol» dep atalatyn halyqqa arnalǵan Jolda­ýynda elimizdiń jańa ekonomıkalyq saıasatyn jarııalady. Qazaqstan ekonomıkasyn arttyrýmen álemdegi ozyq 30 memlekettiń qataryna kirý maqsatynda halyqty bilim men eńbekke shaqyrǵan baǵdarsham ispetti taǵy da bir strategııalyq jospardy naq­tylap berdi. Egemen elimizdiń ósýi men órkendeýi jolynda Elbasynyń jyl saıynǵa halyqqa arnalǵan Joldaýynyń máni men maqsaty zor.

Shyndyǵynda bıylǵy Elbasy baıandamasynyń ózindik erekshelikteri jeterlik. Ózge joldaýlardan ereksheligi de sonda, ekonomıkanyń negizi - kólik ınfraqurylymy qurylysyna erekshe kóńil bólinýi bolyp otyr.

Men Prezıdent Joldaýyn tyńdaı otyryp, Qazaq eliniń bolashaǵyna degen úlken áser aldym. Rasynda, búgingi kúni búkil álem daǵdarystan arylmaı tur. Jahandy sharpyǵan álemdik ekonomıkalyq daǵdarystan shyǵýdyń jolyn tabý men aıqyndaý Elbasymyzdyń taǵy bir kóregendigin baıqatsa kerek. Joldaýda mek­tep­terdi jóndeýge jáne jańalaýǵa 20 mlrd., joldar salýǵa 70 mlrd. teńge bólineti­niniń ózi halyqqa jasalyp otyrǵan úlken jaǵdaı. Jol - ómirdiń baılanysy men tamyry. Osy joldardy salý barysynda 200 myńdaı jumys orny ashylyp, qanshama adam jumyspen qamtylady. Prezıdentimiz Nursultan Nazarbaev: - Saıyn dalamyzdyń arasyna jol salsaq, ekonomıka órkendeıdi. Mysaly, Eýropa Uly Otan soǵysynan keıin ınfraqurylymdy durystaýdan bastady. Ispanııa, Germanııa sııaqty memleketterdiń damýy jol salýdan bastalǵan. Sondyqtan, Astanany, Ońtústikpen, Shyǵys, Batys, Soltústikpen baılanystyrý úshin jol salamyz - dedi óz sózinde. Tipti «Nurly joldyń» aıasynda shetelden termınaldar salý josparlanyp otyr. Al osyndaı aýqymdy ınfraqurylymdyq jobalardy júzege asyrý úshin Ulttyq qordan 500 mıllıard teńge bólinbek. Sondaı-aq, munaıdan túsken tabys saqtalǵan Ulttyq qordan aldaǵy 3 jylda bıýdjetke 3 mıllıard dollardan bólinbekshi. Salynatyn joldar da, ǵımarattar da, jastarǵa arnalǵan qoljetimdi baǵadaǵy baspana da, bilim oshaqtary, t.b bolsyn munyń bári Elbasy Joldaýyndaǵy aıtqan Máńgilik Eldiń irgesiniń myqtylyǵy men bolashaq urpaqtyń baqyty úshin búgingi eldiń jasap jatqan eńbegi.