Elimizde jol-kólik oqıǵasynyń sany azaıdy

ASTANA. QazAqparat - QR Bas Prokýratýrasy Quqyqtyq statıstıka jáne arnaıy esepke alý jónindegi komıtetiniń málimetine sáıkes, respýblıka boıynsha 2016 jyldyń qańtar aıynda 2015 jyldyń osy kezeńimen salystyrǵanda jol-kólik oqıǵasy 7,4 paıyzǵa tómendedi.

Elimizdiń joldarynda 1121 jol-kólik oqıǵasy bolyp, onda 1656 adam zardap shekken, al ótken jyldyń osyndaı kezeńimen salystyrǵanda 1210 jol-kólik oqıǵasy tirkelip, onda 1737 adamnyń densaýlyǵyna zaqym kelgen, onyń ishinde 136-sy qaıtys bolǵan. JKO saldarynan 227 kámeletke tolmaǵan bala jaraqat alyp, olardyń 11-i qaza tapty.

Statıstıkalyq kórsetkishterge qaraǵanda, joldardaǵy apattardyń sebepteri ózgermeı otyr. Jalpy, 90 paıyzdan astam JKO jol qozǵalysy erejelerin buzatyn júrgizýshilerdiń kinásinen bolady. Sonymen, olardyń kinásinen 1065 apat jasalǵan, onyń ishinde 17-si alkogoldik jáne esirtkilik mas kúıinde bolǵan júrgizýshilerdiń kinásinen oryn alǵan.

Eń kóbisi, ıaǵnı 351 JKO jyldamdyqty arttyrýdan boldy, sonyń saldarynan 53 adam qaza bolyp, 430-y jaraqattandy.