Elimizde jol erejesin buzǵan kólikterdiń 20 paıyzy shetelde tirkelgen

NUR-SULTAN. QazAqparat – Qazaqstanda jol-kólik erejesin jıi buzatyn júrgizýshilerdiń 20 paıyzy - sheteldik kólik ıeleri. Bul týraly QR ІІM Ákimshilik polıtsııa komıteti tóraǵasynyń orynbasary Serik Túsipov málim etti, dep habarlaıdy QazAqparat tilshisi.

«Shynyna kelsek, keıbir tirkelmegen kólik ıeleri zań áser etpeıdi dep oılaıdy. Kóligin tirkemegenimen qoımaı jol erejesin qatań buzatyndar bar. Osy oraıda biz taldaý jasadyq. Búginge tańda jolda júrý erejesin buzý jaǵdaıynyń 20 paıyzy shetelden ákelgen kólik júrgizýshilerine tıesili. Bul degenimiz 2,5 mln erejesin buzý jaǵdaıynyń 550 myńyn kólikti syrttan ákelgen júrgizýshiler buzyp otyr degen sóz», - dedi Serik Túsipov mınıstrlikte ótken baspasóz máslıhatynda.

Onyń aıtýynsha, jol erejesin buzý avtomatty beınebaqylaý jáne tirkeý qurylǵysy arqyly qadaǵalanady.

«Árıne, biz barlyq sheteldik kóliktiń júrgizýshileri jol erejesin buzady dep aıtpaımyz. Degenmen kólikti resmı tirkeý nemese jol erejesin saqtaý sekildi zań talabyn belshesinen basyp júretinderdiń bary ras. Tipti bizde jolda júrý erejesin 100 retten artyq buzǵan rekordshy júrgizýshi faktisi de bar. Oǵan salynǵan aıyppul 500 myń teńgeni shamalaıdy», - deıdi ol.

Buǵan deıin ІІM ókili elimizde Reseı nómirimen júrgen avtomobıldi qalaı tirkeýge bolatynyn aıtyp berdi.