Elimizde jattyqtyrýshy-oqytýshylardyń jalaqysy 2 ese artady
12:56, 20 Sáýir 2021
NUR-SULTAN. QazAqparat – Elimizde jattyqtyrýshy-oqytýshylardyń jalaqysy 2 ese artady. Bul týraly QR Mádenıet jáne sport mınıstri Aqtoty Raıymqulova aıtty, dep habarlaıdy QazAqparat tilshisi.
«Mınıstrlik árbir aýyldyq okrýgtegi shtattaǵy sport nusqaýshylarynyń sanyn ulǵaıtý jáne olardyń sanyn 2025 jyly 3 561 adamǵa deıin jetkizý boıynsha sharalar qabyldaıdy. Mektepterde sport sektsııalaryn uıymdastyrý jáne júrgizý úshin dene shynyqtyrý muǵalimderine bazalyq laýazymdyq jalaqydan 100 paıyz mólsherinde qosymsha aqy belgileý kózdelgen», - dedi mınıstr Úkimet otyrysynda.
Sondaı-aq ol jattyqtyrýshy-oqytýshylardyń jalaqysy 2 ese artatyndyǵyn aıtty.
«Qabyldanyp jatqan is-sharalardyń nátıjesinde 2025 jyly aýyldyq eldi meken turǵyndarynyń 42 paıyzyn dene shynyqtyrý jáne sportpen qamtý josparlanǵan», - dedi Aqtoty Raıymqulova.