Elimizde jataqhana qurylysy úsh ese azaıdy

ASTANA. QazAqparat – Ótken jyldyń qorytyndysy boıynsha Qazaqstanda jataqhana salý - úsh ese, al ony qoldanysqa berý eki ese qysqarǵan, dep habarlaıdy QazAqparat Finprom resýrsyna silteme jasap.

Ótken jyly qańtar-jeltoqsan aralyǵynda 43 jataqhana paıdalanýǵa berildi, 2021 jyly onyń sany 82 bolǵan.

Salynǵan ǵımarattardyń jalpy aýdany bir sátte 65%-ǵa qysqaryp, 72,9 myń sharshy metrdi qurady.

Jataqhana alańy 148,9 myńnan 58,9 myń sharshy metrge deıin qysqardy (mınýs 60,4%).

Jańa ǵımarattardyń kýbatýrasy (qurylys kólemi) da 763,4 myńnan 234,7 myń tekshe metrge deıin azaıyp otyr.

Byltyr qurylystyń naqty quny 11 mlrd teńgeni qurasa, aldyńǵy jyly 53,5 mlrd teńge bolǵan. Osylaısha jyldyq qysqarý quny 79,5% jetti.

Ótken jyly paıdalanýǵa berilgen 43 jataqhananyń 25-i aýyldyq jerlerde, olardyń jalpy aýdany 19,5 myń sharshy metr.

Paıdalanýǵa berilgen jataqhana kólemi boıynsha Astana qalasy alda. Byltyr elordada 15,7 myń sharshy metr jataqhana qoldanysqa berilgen. Ekinshi orynda Shymkent (12,4 myń sharshy metr) odan ári Pavlodar oblysy (9,4 myń sharshy metr) jaıǵasqan.

Sonymen qatar, Ǵylym jáne joǵary bilim mınıstri Saıasat Nurbek stýdentterge qosymsha tósek-oryn uıymdastyrylyp jatqanyn baıandaǵan. Bul týraly QR Premer-Mınıstriniń resmı resýrsynda jazylǵan.

Aqparatta aıtylǵandaı, óńirlerde jańa jataqhana salý úshin qurylysshylarmen jáne áleýetti ınvestorlarmen jumysty kúsheıtý, sondaı-aq memlekettik-jekemenshik áriptestik tetigin jetildirý josparlanǵan.

2021 jyly stýdentter jataqhanada turýǵa 4,3 mlrd teńge tólegen, bul aldyńǵy jylmen salystyrǵanda 58,1% artyq.

Óńirler arasynda Almatyda jataqhana aqysy kóp tólengen - 1,9 mlrd teńge.

Ári qaraı Astana (524,2 mln teńge), Qaraǵandy (464,2 mln teńge), Qostanaı (196,2 mln teńge) jáne Aqtóbe oblysy (188,1 mln teńge) tur.

Eń tómengi kórsetkish Túrkistan oblysynda tirkelgen - 11,8 mln teńge, bir jyl burynǵyǵa qaraǵanda 5,1%-ǵa az.