Elimizde jastardyń bıznes-bastamalaryn qoldaýǵa arnalǵan tyń joba tanystyryldy

ASTANA. QazAqparat - Aqparat jáne kommýnıkatsııalar mınıstri Dáýren Abaev jas qazaqstandyqtardyń bıznes-bastamalaryn qoldaýǵa arnalǵan «Negizin qalaýshylar» (Osnovatelı) atty jańa jobany tanystyrdy, dep habarlaıdy QazAqparat tilshisi.

«Bıznes - ol kez kelgen ekonomıkanyń negizi. Dál osy bıznes adamdardyń baqýattylyǵyn qamtamasyz etedi. Al kásipkerler ortasha klastyń negizin qalaıdy. Búgingi tańda Qazaqstanda bıznesti qoldaý baǵytynda úlken kúsh jumsalyp jatyr. Bul sharýaǵa bizdiń jańa jobamyz - «Negizin qalaýshylar» da (Osnovatelı) kómekteser degen senimdemiz», - deıdi mınıstr «Osnovateli kz» atty ıÝtýbtegi arnada.

Dáýren Abaevtyń aıtýynsha, mundaǵy maqsat - jas qazaqstandyqtardyń bıznes-bastamalaryn qoldaý bolyp tabylady.

«Jobaǵa 18-25 jas aralyǵyndaǵy kez kelgen azamat qatysa alady. Basty talap - kreatıvti ıdeıa jáne ony iske asyrýda erik-jigerdiń bolýy. Joba ınnovatsııa men damýǵa beıim, tabysty maqsat tutqan qazaqstandyqtar úshin jaqsy start alań bolady», - deıdi mınıstr.