Elimizde jastardy ǵylymǵa tartýǵa qajetti jaǵdaılar jasalýda - Aıda Balaeva

NUR-SULTAN. QazAqparat - Qazaqstan jastaryn ǵylymǵa tartý úshin qajetti jaǵdaılar jasalyp jatyr. Bul týraly elordada Turaqty damý jáne ınnovatsııalar boıynsha ekinshi Ortalyq Azııa forýmynda QR Prezıdenti Ákimshiligi ishki saıasat bóliminiń meńgerýshisi Aıda Balaeva málim etti, dep habarlaıdy QazAqparat tilshisi.

A. Balaevanyń atap ótýinshe, búgingi shara Elbasy jarııalaǵan Jastar jyly aıasynda ótip jatqany sımvoldyq mánge ıe. Bul óz kezeginde qazaqstandyq ǵylymdy damytýǵa sapaly tyń serpin berýde mańyzdy kezeń bolady.

«Elimiz basshylyǵynyń saıasaty arqasynda búginde Qazaqstanda jastardy ǵylymǵa tartý úshin qajetti jaǵdaılar jasalýda. Ǵylymdy damytý - jahandyq álemde Qazaqstannyń básekege qabilettiginiń negizgi faktory retinde moıyndalady. Elbasy tapsyrmasy boıynsha jyl saıyn jas ǵalymdardyń zertteýlerin júzege asyrýǵa úsh mıllıard teńgeden qosymsha kvota bólinetin bolady», - dedi ol.

Budan buryn habarlanǵandaı, forým QR Bilim jáne ǵylym mınıstrliginiń, jas ǵalymdardyń, Ulybrıtanııadaǵy qazaqstandyq doktoranttar qaýymdastyǵynyń, Qazaqstannyń Ulybrıtanııadaǵy Elshiliginiń uıymdastyrýymen ótti.

Forým maqsaty - ıdeıalar men jobalardy ilgeriletý úshin jas ǵalymdardy biriktirý, áleýetti ınvestorlarmen jáne seriktestermen baılanystardy ornatý.