Elimizde janar-jaǵarmaıdyń jetkilikti qory bar – Energetıka mınıstrligi
Energetıka mınıstrligi elektr energııasynyń joqtyǵynan Atyraý munaı óńdeý zaýytynyń tehnologııalyq jáne qosalqy nysandary apatty jaǵdaıda toqtaǵanyn rastady.
«Avarııalyq jaǵdaılardy retteý jáne oqshaýlaý josparlarynyń talaptaryna sáıkes nysandar toqtatyldy. Tehnologııalyq gaz alaý qondyrǵylaryna jiberildi», -dep habarlady mınıstrliktiń baspasóz qyzmeti.
Mınıstrliktiń málimetinshe, Shymkent MÓZ AI-95 avtobenzınin shyǵarýdy shekteı otyryp, katalıtıkalyq rıformıng qondyrǵysy katalızatorynyń regeneratsııasy jumysyn jalǵastyrýda.
«Qazir elimizdegi munaı bazalarynda, MÓZ rezervýarlarynda janar-jaǵarmaıdyń jıyntyq qorlary tómendegideı. AI-92 avtobenzıni 351 myń tonna, bul eldiń 23 táýliktik qajettiligin jabýǵa jetkilikti. Aı-95 benzıni – 46 myń tonna (15 táýlik), dızel otyny – 520 myń tonna (29 táýlik). Janar-jaǵarmaı eldiń qajettiligin tolyq kólemde qamtamasyz etedi jáne Shymkent jáne Pavlodar unaı óńdeý zaýyttary jóndeýden shyqqan sátke deıin jetkilikti», -delingen mınıstrliktiń aqparatynda.
Eske sala ketelik, budan buryn elektr qýatynyń joqtyǵynan Atyraý munaı óńdeý zaýyty jumysyn toqtatqanyn habarlaǵan edik.
Zaýyttyń qoǵammen baılanys bóliminiń málimetinshe, elektr jelisindegi aqaýdyń saldarynan qondyrǵylardyń jumysy apattyq jaǵdaıda toqtatylǵan.
«Atyraý munaı óńdeý zaýyty búgin, 3 shilde kúni jergilikti ýaqytpen saǵat 17:25-te jumysyn toqtatty. Buǵan «KEGOC» AQ tarapynan elektr energııasynyń óshirilýi sebep boldy. Tehnologııalyq reglamentke sáıkes apatty jaǵdaıdyń aldyn alý maqsatynda elektr energııasynyń syrtqy jelilerin tolyq qalpyna keltirgenge deıin zaýyttyń otyn jelisi fakelge jiberildi. Aqaýlardy joıý nátıjesi týraly qosymsha habarlanady», - dep málim etti zaýyttyń qoǵammen baılanys bóliminen.