Elimizde zergerlik buıymdar men saǵattar bir jylda 35% qymbattaǵan

NUR-SULTAN. QazAqparat – Bıylǵy jyldyń maýsym aıynda Qazaqstanda zergerlik buıymdar men saǵattardyń baǵasy 1,8%, al bir jylda 35,3% qymbattady, dep habarlaıdy QazAqparat Energyprom.kz saıtyna silteme jasap.

Onyń ishinde altyn neke saqınalary jylyna 38,9%, qol saǵattary 15,2% qymbattady.

Óńirlik bóliniste zergerlik buıymdar men saǵattardyń baǵasy Soltústik Qazaqstan oblysynda aıtarlyqtaı ósken - bir jylda 61%. Qymbat baǵalar «úshtiginde» Almaty oblysy (jylyna 60,6%) jáne Nur-Sultan (jylyna 52,5%) qalasy bar.

Bıylǵy qańtar–mamyr aılarynda zergerlik buıymdar óndirisi 478,4 mln teńgeni qurady. Ótken jyldyń sáıkes kezeńinde kórsetkish 451,3 mln teńge bolǵan edi. Óńirlik bóliniste óndiristiń eń úlken kólemi Almatyda (43,3% nemese 207,3 mln teńge) shoǵyrlanǵan. Alǵashqy úshtik qatarynda Nur-Sultan qalasy men Qaraǵandy oblysy bar.

Jalpy, 2021 jyly sektordaǵy óndiris 1,6 mlrd teńgeni qurady. Bul 2020 jylǵa qaraǵanda eki ese kóp.

Foto:mg.youm7.com