Elimizde ıadrolyq nysandardy qorǵaıtyn mamandar daıarlanatyn bolady
Nysan 1993 jylǵy 13 jeltoqsandaǵy AQSh pen Qazaqstan Respýblıkasynyń arasyndaǵy úkimetaralyq kelisimge sáıkes Qazaqstanda iske asyrylyp jatqan «Jahandyq ıadrolyq qaýipsizdik» birlesken baǵdarlamasynyń aıasynda salynǵan bolatyn. Baǵdarlamanyń maqsaty – adamdar men qorshaǵan ortany qorǵaý, ıadrolyq nysandardy qorǵaý úshin myqty ári senimdi ıadrolyq jáne fızıkalyq qaýipsizdik júıesin qurý. Qazaqstan Respýblıkasynda baǵdarlamanyń úılestirýshi organy Atomdyq jáne energetıkalyq qadaǵalaý men baqylaý komıteti bolyp otyr.
Ortalyqtyń resmı ashylý saltanatyna QR EM Atomdyq jáne energetıkalyq baqylaý men qadaǵalaý komıteti tóraǵasynyń orynbasary Ǵumar Sergazın qatysty.
«Daǵdarysqa qarsy oqý ortalyǵy Qazaqstannyń ıadrolyq nysandaryn qorǵaýǵa jaýapty áskerı bólimderdiń quramyn daıarlaý jáne olardyń biliktiligin arttyrýǵa arnalǵan. Sonymen qatar ortalyqtyń oqý josparlary mamandardy taktıkalyq daıyndaýǵa, avarııalyq jaǵdaılarǵa den qoıýǵa, obektilerdi fızıkalyq qorǵaýdyń zamanaýı júıelerin, kompıýterlik qaýipsizdikti zerdeleýge, ıadrolyq materıaldardy baqylaý jáne olardy qaýipsiz saqtaýdy qamtamasyz etý máselelerine oqytýdy kózdeıdi», - dedi komıtetten.