Elimizde volonterlik qozǵalysty nasıhattaıtyn «Ashyq júrek» jobasy bastaldy
«Qasym-Jomart Toqaev Qazaqstan halqyna Joldaýynda jastardyń boıyna eńbek qundylyqtaryn sińirý kerektigin, eńbekti abyroıly, abyroısyz dep bólýge bolmaıtynyn aıtty. Shynyn aıtqanda, koronavırýs indetine deıin volonterlikke kúmánmen qaraıtyndar bolǵan shyǵar, biraq qıyn kezeńde ár nárseniń óz orny bar ekenin túsindik. Maqsatqa eńbek arqyly ǵana qol jetkizýge bolady. 2013 jyly biz Qazaqstan volonterler lıgasyn quryp, qoǵam úshin eńbek etkisi keletinderdiń basyn qostyq. Osylaısha avtorlyq jobalarymyzdy júzege asyra bastadyq. EXPO-da eńbek etken ár besinshi volonter osy lıganyń múshesi bolǵan. 2020 jyl – elimiz úshin synaq jyly. Bizdiń volonterler muqtaj jandarǵa kómektesti», - deıdi Qazaqstan volonterleri lıgasynyń tóraıymy Aısulý Ernııazova.
Qazaqstan volonterleri lıgasy úılestirý keńesiniń múshesi Ázız Kajdenbek «Ashyq júrek» jobasynyń maqsaty týraly aıtty.
«Bul jobanyń maqsaty – Qazaqstan jastary arasynda volonterlik qozǵalysqa serpin berý, volonterlik qozǵalystyń qaǵıdasyn túsindirý. Jastar dep aıtqanmen kez kelgen jastaǵy adam volonter bola alady. Ekinshiden, volonter degen maǵynany jastar arasynda keńinen taratý. Bıyl «Ashyq júrek» jobasy boıynsha 20 myń volonter qazaqstan volonterleri lıgasyna kiredi dep josparlap otyrmyz.elimizdiń 17 aýmaǵynda volonterlyq ortalyq ashylady. Ol aýdan, oblystaǵy volonterlyq uıym, toptardyń basyn qosýǵa múmkindik beredi. Odan basqa, aı saıyn ár aımaq boıynsha úzdik volonterdi anyqtaıtyn bolamyz. Volonterlar jobasyn qoldaýǵa «Ashyq júrek» jobasy ishinde 107 kishi grant beriledi. Qazaqstan damýyna úles qosqysy keletin, ózin volontermin dep sanaıtyn ár adam jobalaryn júzege asyrý úshin grant alýyna múmkindik bar. Ár aımaqqa 300 myń teńgeden 56 grant bólingen. Respýblıkalyq mańyzy bar qalalarǵa 500 myń teńgeden grant bólingen. Odan basqa barlyq volonterlik bastamany qoldaıtyn 42 grant bólingen», - deıdi Azız Kajdenbek.