Elimizde ulttyq dástúrlerge negizdelgen qaıyrymdylyq sharalary ótedi

ASTANA. QazAqparat - Qazaqstan halqy Assambleıasy jyl boıy Uly dalanyń dástúrlerine negizdelgen qaıyrymdylyq sharalaryn ótkizedi, dep habarlaıdy QazAqparat tilshisi.

«Assambleıanyń bıylǵy qaıyrymdylyq sharalaryn qazaqtyń ulttyq qundylyqtarymen baılanystyrýdy jón kórdik. ıAǵnı 12 aı boıy ótetin sharalardyń árqaısysy ulttyq dástúrlermen baılanystyrylady. Mysaly, búgin bastalǵan qaıyrymdylyq sharasy «Sarqyt» dep atalady. Qazaq halqynyń dástúrinde sarqyttyń qandaı oryn alatynyn bárińiz bilesizder. Atalǵan aktsııanyń aıasynda elimizdiń barlyq óńiri boıynsha áleýmettik jaǵdaıy tómen otbasylarǵa kómek kórsetiledi. Jáne jyl sońynda dástúr ataýlarymen ótken qaıyrymdylyq sharalary qorytyndylanady», - dedi QHA tóraǵasynyń orynbasary Leonıd Prokopenko.

Onyń aıtýynsha, ár aı saıyn ótetin qaıyrymdylyq sharasyna ulttyq dástúrlerdiń ataýlary berilip qana qoımaı, sol ataýǵa sáıkes keletin ister atqarylady. Atap aıtsaq, sáýir aıyna jsoparlaǵan «Asar» qaıyrymdylyq sharasynda muqtaj jandarǵa asar kómegi uıymdastyrylady.

Buǵan deıin habarlaǵanymyzdaı búgin Astanada «Sarqyt» qaıyrymdylyq sharasy uıymdastyrylyp, onyń aıasynda elordalyq 55 otbasyǵa kómek kórsetildi.

QHA-nyń 2019 jylǵa arnalǵan qaıyrymdylyq sharalarynyń ataýy:

Qańtar - «Sarqyt»;
Aqpan - «Sybaǵa»;
Naýryz - «Shashý»;
Sáýir - «Asar»;
Mamyr - «Qamqor»;
Maýsym - «Toqymqaǵar»;
Shilde - «Erýlik»;
Tamyz - «Jylý»;
Qyrkúıek - «Kórimdik»;
Qazan - «Bata»;
Qarasha - «Bes jaqsy»;
Jeltoqsan - «Káde».