Elimizde úkimettik emes uıym ókilderi iskerlik qazaq tilin meńgeredi

NUR-SULTAN. QazAqparat - Elimizdiń alty óńirinde úkimettik emes uıym ókilderi iskerlik qazaq tilin meńgerdi. Bastama basqa oblystarda da júzege asyrylady. Bul týraly Qazaqstan Azamattyq alıansynyń vıtse-prezıdenti Dos Kóshim aıtty, dep habarlaıdy QazAqparat tilshisi Qazaqstan Azamattyq alıansynyń baspasóz qyzmetine silteme jasap.

Almaty, Soltústik Qazaqstan, Aqmola, Jambyl, Qostanaı oblystary men Nur-Sultan qalasynda úkimettik emes uıym ókilderi iskerlik qazaq tilin meńgerdi.

«Qazaqstanda birinshi synyp oqýshylarynyń 90%-y qazaq bólimderine bardy, bul qoǵam – tildi meńgerý qajettiligin túsinetinin bildiredi» - deıdi Qazaqstan Azamattyq alıansynyń vıtse-prezıdenti Dos Kóshim.

Kezdesýge qoǵam qaıratkeri, saıasatker Rasýl Jumalymen birge «Azamattyq bastamalardy qoldaý ortalyǵy» KEAQ-nyń qoldaýymen iske asyrylǵan «Úkimettik emes uıymdar arasynda memlekettik tildi ilgeriletý boıynsha is-sharalardy uıymdastyrý» jobasyn ázirleýshiler men negizgi úıretýshiler keldi.

«Sarapshylar úkimettik emes uıym ókilderi arasynda memlekettik tildi bilý deńgeıin baǵalap, zertteý jumystaryn júrgizgen. Olardyń árqaısysynda oqý semınarlary ótkizilgen. Oqytý nátıjeleri aqparattyq beınerolıkte kórsetilip, spıkerler jýrnalısterdiń suraqtaryna jaýap berdi», - delingen habarlamada.