Elimizde tutynýshy quqyǵyn qorǵaý jónindegi vedomstvoaralyq keńes qurylady
«Qazirgi kezde elimizde tutynýshy quqyǵyn qorǵaý salasynda 65 qoǵamdyq uıymdar jumys isteıdi. Mınıstrlik úkimettik emes uıymdarmen olardy irilendirý jáne salalyq negizde nyǵaıtý prıntsıpi boıynsha jumys isteıtin bolady. Bul qoǵamdyq sektorǵa salalyq memlekettik organdarmen tolyqqandy yntymaqtastyq ornatýǵa múmkindik beredi», - dep atap ótti mınıstr Úkimet otyrysynda.
Mınıstrdiń aıtýynsha, bul halyqtyń mádenıetin jáne tutynatyn taýarlar men qyzmetterdiń sapasyn jaqsartýǵa múmkindik beredi.
«Budan basqa, «Tutynýshy quqyǵyn qorǵaý týraly» Zańynda tutynýshylardyń quqyǵyn qorǵaý jónindegi vedomstvoaralyq keńes qurý kózdelgen. Onyń otyrystarynda memlekettik organdardyń jumys nátıjeleri talqylanyp, kemshilikter anyqtalyp, tıisti sheshimder qabyldanady. Osy keńestiń quramy men erejesi Úkimettiń qaraýynda», - dedi B. Sultanov.
Sondaı-aq, mınıstrlik tutynýshylardyń quqyqtaryn qorǵaý salasyndaǵy atqarylǵan jumystar týraly analıtıkalyq baıandamany Úkimetke jyl saıyn usynatyn bolady.
Buǵan deıin Saýda jáne ıntegratsııa mınıstri tutynýshylar shaǵymyn qarastyrýdyń úsh jańa deńgeıin túsindirip, shaǵymdy sotqa jetkizbeı sheshý qajettigin aıtqan edi.
Sonymen birge, QR Premer-Mınıstri Asqar Mamın tutynýshylardyń múddesin qorǵaý boıynsha birqatar tapsyrma berdi.