Elimizde turǵyn úı salasyndaǵy operatsııa rekordtyq kórsetkishke jetti

NUR-SULTAN. QazAqparat – Jyljymaıtyn múlik salasyndaǵy operatsııa kólemi ótken jylmen salystyrǵanda aqshalaı máni 37,7%-ǵa ósip, 2020 jyldyń qańtar-aqpanynda 1,52 trln teńgeni qurap, naqty ósim 41%-dan asty. Bul osy ýaqytqa deıingi eń joǵary kórsetkish, dep habarlaıdy QazAqparat Finprom.kz saıtyna silteme jasap.

Deldaldyq qyzmetter 17%-ǵa qysqardy, degenmen aǵymdaǵy jyldaǵy turǵyn úı naryǵyndaǵy dúrbeleń sektordaǵy baǵanyń ósý qozǵaýshysyna aınalýy múmkin.

Sektordaǵy qyzmetterdiń jartysy jalǵa berý jáne óz jyljymaıtyn múligińdi basqarý qyzmetine tıesili: 883,2 mlrd teńge. Qosalqy jalǵa berý pen jalǵa alynǵan jyljymaıtyn múlikti paıdalaný qyzmetine 313,6 mlrd teńge tıesili.

Óndiristik emes jyljymaıtyn múlikti satý-satyp alý jáne jalǵa berý kezinde kórsetiletin deldaldyq qyzmetter tek 18,1 mlrd teńge boldy – ótken jylǵa qaraǵanda aqshalaı 16,8%-ǵa tómen.

Aıtyp ótý kerek, aǵymdaǵy jyldyń alǵashqy eki aıynda satý-satyp alý kelisimderi zeınetaqy qoryna úı satyp alý múmkindiginiń arqasynda 2020 jyldyń qańtar-aqpanyna qaraǵanda 44,2%-ǵa ósti. Bul 2021 jyly deldaldyq qyzmettiń kólemin ósirýi múmkin.

Óndiristik-tehnıkalyq maqsattaǵy jyljymaıtyn múlikti satý-satyp alý jáne jalǵa berýdegi deldaldyq qyzmetter birden 79,2%-ǵa qysqaryp, 1,3 mlrd teńge bolǵan.

QR óńirleriniń ishinde jyljymaıtyn múlikke qatysty qyzmetterdiń tórtten úshi Qazaqstannyń eki úlken megapolısine tıesili – Nur-Sultan (593,5 mlrd teńge) jáne Almaty (536,4 mlrd tg).

Sektordaǵy eń tómen kórsetkishti ońtústik óńirler kórsetti – Túrkistan (5,5 mlrd teńge), Qyzylorda (6,3 mlrd teńge) jáne Jambyl (7,4 mlrd teńge) oblystary.