Elimizde tuńǵysh ret Qoshqar chempıonaty ótedi
«Chempıonatty «Eń tuqymdy qoshqar», «Eń boıshań ári eń salmaqty qoshqar» sekildi birneshe dáreje negizinde ótkizemiz. Qazaqstanda aýyl sharýashylyǵy salasyndaǵy eń bilikti ǵalymdar tórelik etetin bolady. Qoshqardyń túr-sıpatyna baılanysty baǵa beriledi. Elimizde usaq mal tuqymdaryn aralastyryp, iri qoı-qoshqarlardy asyrap otyrǵan malshylar bar. Áý basta chempıonatty oblystyq deńgeıde ótkizemiz degen edik. Alaıda, chempıonattyń ótkiziletinin estigen halyq Qazaqstannyń túkpir-túkpirinen bizge qońyraý shalyp, saıysqa Shopan ata túlikterin qatystyratyndaryn aıtty. Júlde qory - 300 myń teńge», - deıdi chempıonatty uıymdastyrýshy, «Qoılyq» áleýmettik-kásipkerlik korporatsııasynyń úılestirýshisi Maqsat Keńesov.
Chempıonat 26 qyrkúıek kúni Taldyqorǵan qalasynyń «Erasyl» etno-aýylynda, saǵat 14:00-de bastalady. Biregeı saıystyń ótkizilýine Aýyl sharýashylyǵy mınıstrligi, «Atameken» UKP jáne Agro-holding «Qazyna» qoldaý kórsetip otyr.