Elimizde tumaýǵa qarsy 2,3 mln doza vaktsına satyp alyndy
«Jyl saıyn tumaý vırýsynyń taralýy qarashada bastalyp, sáýir aıynyń ortasyna deıin jalǵasady. Ótken jyly respýblıka boıynsha JRVI-men 3,9 mln adam aýyrdy. 2019-2020 jylǵy epıdemıologııalyq maýsymmen salystyrǵanda syrqattanýshylar sany 1,3 ese ósti. Aýyrǵandardyń 80%-y – balalar men jasóspirimder. Ótken maýsymda A (H3N2) jáne B tumaý vırýsynyń 2 shtamy aınalymda boldy. Barlyǵy 915 tumaýratý jaǵdaıy anyqtaldy», - dedi Aıjan Esmaǵambetova ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, vıtse-mınıstr tumaýdan basqa da vırýstardyń baryn eske saldy.
«Ótken jyly barlyǵy 10 myńnan astam úlgi zertteldi. Onyń barysynda rınovırýs, RS vırýs, adenovırýs ınfektsııasy, paragrıpp, metapnevmovırýs, bokavırýs anyqtaldy. Aýrýdyń aldyn alýdyń eń tıimdi tásili – vaktsınatsııa. Vaktsınalar qaýipsiz, tıimdi jáne olar 60 jyldan astam qoldanylyp keledi. Bıyl Reseıde óndirilgen «Grıppol+» vaktsınasynyń 2,3 mln dozasy satyp alyndy. Onyń quramynda aldaǵy maýsymdaǵy tumaýǵa qarsy shtammdar bar. Bul respýblıka halqynyń 12%-yn qamtýǵa múmkindik beredi», - deıdi ol.
Buǵan deıin Aıjan Esmaǵambetova elimizde tumaýǵa qarsy vaktsınatsııalaý 3 qazanda bastalatyny týraly aıtqan edi. Sonymen qatar, vaktsına kimderge tegin salynatyny naqtylandy.