Elimizde toı-tomalaq tyıylar emes – Alekseı Tsoı

NUR-SULTAN. QazAqparat – Jergilikti atqarýshy organdar monıtorıng toptarynyń jumysyn kúsheıtýi qajet. Bul týraly Úkimet otyrysynda QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

«Karantındik is-sharalardyń qoldanysta bolýyna qaramastan birqatar óńirde kóp adamnyń jınalýymen saltanatty is-sharalar, úılený toılaryn, eske alý túski asyn berý tyıylmaı otyr. Karantındi óreskel buzý faktileri de anyqtalyp jatyr. Osyǵan oraı jergilikti atqarýshy organdarǵa monıtorıng toptarynyń jumysyn kúsheıtýdi tapsyrýyńyzdy ótinemin», - dedi Alekseı Tsoı Úkimet basshysy Asqar Mamınge qarata.

Sonymen qatar ol elimizde «Ashyq» jobasyna keńinen tartý jumystarynyń jalǵasyp jatqanyn aıtty.

«Jobaǵa qatysýshylardyń sany 111 myńnan asyp jyǵyldy. Olardyń ishinde kóshbasshylary – 921. Qoldanýshylar sany 4 mln-ǵa jetti. Kún saıyn 400 myńnan astam qazaqstanda onlaın rejımde óz mártebesin tekseredi», - dedi mınıstr.