Elimizde tilderdi damytýdyń 5 jyldyq jospary ázirlenbek

ASTANA. QazAqparat - Tilderdi damytýdyń 2020-2024 jyldarǵa arnalǵan memlekettik baǵdarlama jobasyn ázirleýge kirisý qajet. Bul týraly búgin Úkimet otyrysynda Premer-Mınıstr Baqytjan Saǵyntaev aıtty, dep habarlaıdy QazAqparat tilshisi.

«Memlekettik tildi damytý josparlanǵan sharalar aıasynda júzege asyrylyp jatyr. Jalpy bul baǵdarlamanyń is-sharalar jospary aıaqtalýǵa jaqyn.  Sondyqtan Mádenıet jáne sport mınıstrligine múddeli memlekettik organdarmen birlesip, Tilderdi damytý boıynsha 2020-2024 jyldarǵa  arnalǵan memlekettik baǵdarlama jobasyn ázirleý máselesin pysyqtaýdy tapsyramyn»,-  dedi Premer-Mınıstr.

Sonymen qatar, Úkimet basshysy QAZTEST júıesin damytý jónindegi basqarmany elimizdiń Mádenıet jáne sport mınıstrligine berýge QR Bilim jáne ǵylym  mıınstri Erlan Saǵadıevtiń qarsy emestigin atap ótti. 

«Ony ózderińiz eki mınıstrliktiń arasyndaǵy kelisim boıynsha sheshe jatarsyzdar», - dedi Baqytjan Saǵyntaev.