Elimizde Teatr jáne murajaı isi jónindegi shyǵarmashylyq keńester qurylady
«Sonymen qatar tujyrymdamada QR Mádenıet jáne sport mınıstrligi janynan teatr jáne murajaı isi jónindegi shyǵarmashylyq keńester qurý qarastyrady», - degen mınıstr atalǵan shyǵarmashylyq keńesterdiń ne úshin qajet ekendigin de túsindirip ótti.
Onyń sózine qaraǵanda, qazirgi tańda elimizdi teatr jáne murajaı qyzmetterin úılestiretin biryńǵaı organ joq. Óıtkeni, búginde barlyq teatr jergilikti atqarýshy organnyń qaramaǵynda, al mamandardy daıarlaý Bilim jáne ǵylym mınıstrliginiń enshisinde. Mádenıet jáne sport mınıstrligi bolsa, teatr qyzmetterin tek úılestirýge ǵana qaýqarly. Qazirgi tańda Qazaqstanda 52 memlekettik teatr jumys isteıdi. Budan bólek, 43 óńirlik teatr jáne onnan astam ártúrli baǵyttaǵy teatrlar bar.
«Táýelsizdik jyldary respýblıkada on segiz teatr ashyldy. Bul TMD elderi aýmaǵyndaǵy eń joǵary kórsetkish ekendigin maqtanyshpen aıtýǵa bolady. Úsh teatrǵa arnalyp Oral, Qaraǵandy jáne Qostanaı qalalarynda jańa ǵımarattar salyndy. Mundaı ońdy dınamıka - memlekettik qoldaý belsendiginiń nátıjesi», - dedi ol.
Aıta keteıik, mınıstr elimizdiń mádenıet saıasaty tujyrymdamasy jaıynda baıandama jasaǵan bolatyn.