Elimizde taǵy eki partııa paıda bolýy múmkin

ASTANA. QazAqparat – Elimizde jańa eki partııa paıda bolýy múmkin, dep habarlaıdy QazAqparat tilshisi Ádilet mınıstrliginiń baspasóz qyzmetine silteme jasap.

«Ádilet mınıstrliginiń qaraýynda eki saıası partııa bar – «El taǵdyry» jáne «Qazaqstan Halyq Kongresi». Saıası partııalardy tirkeý tártibi «Saıası partııalar týraly» zańda kózdelgen.

«Saıası partııalar týraly» zańnyń 12-babyna sáıkes memlekettik organdarǵa usynylǵan tizimderdiń durystyǵyn tekserý fýnktsııasy júktelgen», - dep habarlady Ádilet mınıstrliginiń baspasóz qyzmeti.

Sondaı-aq, vedomstvodan quryltaı qujattary men saıası partııa músheleri tizimderiniń «Saıası partııalar týraly» zańnyń 8-10 babynyń 6-tarmaǵy talaptaryna sáıkestigine tekserý júrgizilip jatqany habarlandy.

Aıta ketsek, búginde elimizde «AMANAT» partııasy, Qazaqstan Halyq partııasy, «Respublica» partııasy, «Baıtaq» jasyldar partııasy, «Aq jol» demokratııalyq partııasy, Jalpyulttyq sotsıal-demokratııalyq partııa jáne «Aýyl» halyqtyq-demokratııalyq partııasy tirkelgen.