Elimizde sýsyn jáne temeki ónimderiniń óndirisi artty

NUR-SULTAN. QazAqparat - 2022 jylǵy qańtar-tamyzda elimizde ónerkásip óndirisiniń ındeksi 102,5% qurady. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

Óndiris kóleminiń ósýi respýblıkanyń 15 óńirinde tirkelgen. Aıtarlyqtaı ósim Jambyl (11,4%), Aqmola (8,9%), Abaı (8,6%) oblystarynda jáne Almaty qalasynda (8,5%) tirkeldi. Tómendeý úrdisi – Jetisý (5%), Pavlodar (3,1%), Qyzylorda (2,6%), Qostanaı (2,5%) jáne Túrkistan (0,4%) oblystarynda baıqalǵan.

Bıylǵy qańtar-tamyzda 32 127 mlrd teńgege ónerkásip ónimi óndirildi, onyń ishinde taý-ken óndirý ónerkásibi salasynda – 16 987 mlrd teńgege (jalpy kólemnen 52,9%), óńdeý ónerkásibinde – 13 418 mlrd teńgege (41,8%).

Sondaı-aq ótken jylmen salystyrǵanda elimizde tústi metall kenderi (105,1%), kómir óndirý (102,2%), sýsyndar (107,5%), temeki ónimderi (115,4%), hımııa (111,8%) jáne metallýrgııa ónerkásibi (105,1%), rezeńke jáne plastmassa buıymdary (105,1%), mashınalar men jabdyqtar, daıyn metall buıymdary (102,4%) óndirisi artqan.