Elimizde stýdentterge arnalǵan jataqhana qurylysyna qandaı talaptar qoıylady
«Bul baǵdarlama 2018 jyly bastaý alǵan bolatyn. Osy oraıda kem degende 75 myń stýdentti jataqhanamen qamtamasyz etý eskerilgen. Bul máseleni sheshý úshin Bilim jáne ǵylym mınıstrligine qarasty Qarjy ortalyǵy arnaıy baǵdarlama ázirledi. Osyǵan sáıkes kez kelgen jeke kásipker nemese zańdy tulǵa jataqhana salatyn bolsa, árbir salynǵan orynǵa memleket tapsyrys aıasynda qarajat bólinedi», – dedi A. Satybaldın Qazaqstan telearnasyndaǵy «Tańsholpan» baǵdarlamasynda.
Bul turǵyda ol jataqhana qurylysynda kásipkerdiń shyǵyndary óteletinin jetkizdi.
«Jataqhana» túsinigi bul jobany ary qaraı ilgeriletýde kedergi keltirip otyr. Óıtkeni jataqhana degende oı-sanamyzǵa keńestik kezeńde salynǵan beton qabyrǵaly tar bólmeler, qos qabattan quralǵan kereýetter elesteıdi. Sonymen qatar, bul bólme tórt orynǵa eseptelse, ol jerde kóbine 6-8 stýdent ornalasady. Degenmen qazirdiń ózinde kóptegen joǵary oqý ornynda jataqhanada oryn jetispegendikten, stýdentter osyndaı jaǵdaıda turyp jatyr. Nur-Sultan men Almaty qalalarynda páter jaldap turý qymbatqa túsetini belgili», - dedi departament basshysy.
Onyń aıtýynsha, jańa jataqhana ǵımaratyn salýdan bólek, qonaq úılerdiń nysandaryn da qaıta laıyqtap, jataqhana retinde paıdalanýǵa berýge bolady.
«2021 jyldyń sońyna qaraı 120-dan astam jataqhana salyndy, ıaǵnı olar 30 364 orynǵa eseptelgen. Biz bul baǵdarlamany bastaǵanda, 2018 jyly elimizde 82 myń stýdentke jataqhana qajet bolǵan. Odan beri 30 myń oryn paıdalanýǵa berilgenin eskersek, taǵy 50 myń oryn salý kerek edi. Alaıda qazirdiń ózinde 85 myńnan astam stýdentke jataqhana kerek bolyp tur. Sebebi 2000-shy jyldary elimizde bala týý kórsetkishi ósti. Olar qazirgi kezde osy balalar ýnıversıtetterge túsip jatyr. Sáıkesinshe, oqý oryndaryna túsetin balalardyń sany artyp keledi», - dedi A. Satybaldın.
Onyń sózine qaraǵanda, jataqhana oryndarynyń basym bóligin Almaty qalasynda salý kerek.
«Shyn máninde, naqty qajettilik 86 myń orynǵa jetip qaldy. Atap aıtqanda, bul joba aıasynda kedergilerdi barynsha azaıtýǵa tyrystyq», - dedi ol.
Osy oraıda Qarjy ortalyǵynyń ókili jataqhana salatyn kásipkerler qandaı qadamdardy jasaýy kerek ekenin aıtty. Birinshiden, kásipker 500 oryndyq jataqhana salatyny týraly ótinim jazyp, eki qujatty usynady. Osy oraıda salynatyn jerdiń satyp alý sharty men jerdiń aktisi qamtylady. Ekinshiden, kásipkermen arada aldyn ala shart jasalady. Bul óz kezeginde kásipkerge kepildik retinde bolady, sondaı-aq ortalyqqa qarajatty josparlaýǵa múmkindik beredi. Úshinshiden, kásipker óz qarajatyna jataqhanany salyp, paıdalanýǵa tapsyrady. Tórtinshiden, Qarjy ortalyǵy tarapynan salynǵan jataqhanalar óziniń nysanaly maqsatyn ózgertpeı, keminde 20 jyl jumys isteýi tıis degen talap qoıylady. Besinshiden, kásipkermen arada satyp alý portalynda kelisimshart bekitiledi jáne árbir orynǵa aı saıyn tólem jasalady.
«Bul baǵdarlamany ázirlegende kóptegen kásipkerge úndeý jasadyq. ıAǵnı qonaq úı salýdyń ornyna jataqhana nysandaryna mán berýdi suradyq. Sebebi qazirgi kezde qonaq úı naryǵy barynsha orny toltyrylǵan bolyp tur, básekelestik óte joǵary. Sondyqtan jataqhana qurylysyna qatysty tyń qadamdar qarastyrylyp, sybaılas jemqorlyqqa tosqaýyl qoıatyn is-sharalardy eskerdik. Bul turǵyda joǵaryda atalǵan mindetter men sharttar oryndalsa boldy, ıaǵnı tender jáne basqa talaptar eskerilmegen. Sonymen qatar, salynǵan jataqhanadaǵy árbir orynǵa jasalatyn tólemniń mólsheri ońaı esepteledi», - dedi Alpamys Satybaldın.
Eske sala keteıik, 2020 jyly mamyr aıynda Ulttyq qoǵamdyq senim keńesiniń 3-otyrysynda QR Prezıdenti Qasym-Jomart Toqaev aldaǵy 5 jyldyń ishinde keminde 90 myń jataqhana orny salynýy tıis ekenin tapsyrdy.