Elimizde sot oryndaýshylaryna qatysty talaptar ózgeredi

NUR-SULTAN. QazAqparat – Ádilet vıtse-mınıstri Almat Madalıev Qazaqstanda atqarý óndirisiniń kólemi qandaı ekenin aıtty, dep habarlaıdy QazAqparat tilshisi.

«Esepti kezeńde (2019 jyly) alty jarym mıllıard teńgeden astam somada 4 mıllıonǵa tarta qujat jumysqa boldy. 2018 jylmen salystyrsaq, tolyq kólemde oryndalǵan qujattardyń jalpy kórsetkishteri 36 paıyzǵa artty», - dedi vıtse-mınıstr vedomstvonyń alqa májilisinde.

Onyń atap ótinshe, isti óndiriske alýdy ary qaraı jetildirý maqsatynda Májilis depýtattary bastamashylyq etken zań jobasy aıasynda zańnamaǵa túzetýler daıarlandy.

«Bul qadamdar sot oryndaýshylarynyń jaýapkershiligin kóterýge, ókiletti organ men onyń aýmaqtyq bólimsheleriniń baqylaýyn kúsheıtýge, sondaı-aq keıbir normalardy aıqyndaýǵa qatysty bolady. Osy oraıda jergilikti jerlerde sot oryndaýshylary jumysynyń tıimdiligin jaqsartady jáne qujattardyń ýaqytyly oryndalýyn arttyrady», - dedi Almat Madalıev.

Budan buryn habarlanǵandaı, alqa májilisinde problemalyq alımentter sany qanshaǵa azaıǵany aıtyldy.

Aıta keteıik, byltyr sot-saraptamaǵa 190 myńnan astam materıal kelip tústi.