Elimizde sırek kezdesetin tuıaqty janýarlar sany artty
Úkimet basshysynyń atap ótýinshe, Qazaqstan Respýblıkasynyń 2021-2030 jyldarǵa arnalǵan «Jasyl ekonomıkaǵa» kóshýi jónindegi tujyrymdamany iske asyrý jónindegi is-sharalar josparyn oryndaý maqsatynda ETRM Orman sharýashylyǵy jáne janýarlar dúnıesi komıteti «Ohotzooprom» ÓB» RMQK birlesip, jyl saıyn sırek kezdesetin jáne quryp ketý qaýpi tóngen janýarlar túrlerin esepke alady. Sondaı-aq, tabıǵatty qorǵaý is-sharalary men olardyń popýlıatsııasyna monıtorıng júrgiziledi.
«Osy jyly joǵaryda atalǵan is-sharalardy iske asyrýǵa respýblıkalyq bıýdjetten 1,5 mlrd teńge bólindi. Ótken jyldyń qorytyndysy boıynsha sırek kezdesetin tuıaqty janýarlar sanynyń ósýi baıqalǵanyn atap ótkenin jón. Máselen, toǵaı buǵylarynyń sany - 1 052 (2021 jyly – 976), qaraquıryqtyń sany - 15 089 (2021 jyly – 14 894), qulannyń sany - 4 413 (2021 jyly – 4337), arqardyń sany 19 730 (2021 jyly – 18 279) basty qurady. Budan basqa, elde Bıoártúrlilikti saqtaýdyń qazaqstandyq qaýymdastyǵy jáne Bıosanalýandylyǵyn saqtaý qory sııaqty janýarlardy qorǵaý jónindegi úkimettik emes uıymdar jumys isteıdi. Bul uıymdar janýarlar dúnıesin qorǵaý jáne qorǵaý salasynda, onyń ishinde jabaıy janýarlardyń sırek kezdesetin, joıylyp ketý qaýpi tóngen túrleriniń sanyn qalpyna keltirý boıynsha qajetti jumys júrgizedi», - delingen Premer-Mınıstrdiń jaýabyna.