Elimizde sıntetıkalyq esirtkige táýeldilerdi emdeýge arnalǵan ortalyqtar tapshy
«Qazaqstanda «dástúrli» esirtkilerdi «sıntetıkalyq» preparattarmen aýystyrý baıqalady. Olar óndiris pen satýda arzandyǵymen erekshelenedi. 2018 jyly - 1,8 kg, 2019 jyly – 11 kg, 2020 jyly – 106,5 kg, 2021 jyly – 142,7 kg, 2022 jyly – 228,6 kg osyndaı esirtki zaty tárkilendi.
Esirtkiniń jańa túrlerine jedel den qoıýǵa múmkindik beretin esirtkige qarsy zańnamanyń neǵurlym ıkemdi júıesi quryldy. Elektrondyq aqparattyq resýrstardy paıdalana otyryp, jasalǵan esirtki qylmystary boıynsha sanktsııalar kúsheıtildi: esirtkini nasıhattaý jáne jarnamalaý úshin, onyń ishinde graffıtı-sýretter men QR-kodtar arqyly qylmystyq jaýapkershilik engizildi. Aqparattyq-kommýnıkatsııalyq júıede jumys jandandyryldy, onda jyl saıyn zańsyz kontenti bar, onyń ishinde esirtki satýmen baılanysy bar myńdaǵan ınternet-resýrstar buǵattalady», - delingen tujyrymdamaǵa engizilgen ІІM derekterinde.
Bul rette, sıntetıkalyq esirtkige táýeldilerdi emdeý men ońaltýǵa arnalǵan medıtsınalyq ortalyqtar tapshy. Byltyr osyndaı beıindegi qyzmetterdi kórsetetin 7 esirtki dıspanseri jumys istedi.
«Jumys istep turǵan 66 jeke klınıkada (onyń ishinde ońaltý qyzmetteri bar 24 klınıkada) emdeý aqyly, esirtkige táýeldilerdiń kópshiligi úshin qoljetimdi emes. Nashaqorlardy ońaltý jáne áleýmettik beıimdeý júıesi jetkilikti damymaǵan. Densaýlyq saqtaý mınıstrliginiń málimetterine sáıkes, sıntetıkalyq esirtkini paıdalanýshylardyń esebinde turǵan tutynýshylar sany 5 jylda 13 esege (40-tan 528-ge deıin) ósti. Alaıda, bul kórsetkishter naqty eme. Óıtkeni, olar jeke klınıkalardyń, jedel medıtsınalyq járdem brıgadalarynyń, SÓS jáne JITS ortalyqtarynyń málimetterin eskermeıdi», - delingen qujatta.
Osy oraıda mınıstrlik esirtki tutynýdy erte anyqtaý júıesin engizýdi usynady. Alaıda, bul basatamǵa kópshilik narazalyq pikir bildirgen.