Elimizde saýda-sattyqqa arnalǵan jańa mobıldi qosymshalar jappaı engizilip jatyr
«Operator shaǵyn jáne orta bıznestiń ómirin jeńildetetin qosymsha ázirledi. Shaǵyn bızneske arnalǵan standartty veb-qosymshalar qolaısyz. Oıtkeni olar shaǵyn saýda núktelerinde jumys isteıtindikten kompıýterleri, arnaıy jumys oryndary joq. Sondyqtan biz qosymsha ázirlep usyndyq. Qazir ol belsendi túrde engizilip jatyr. Ol – «Naqty saýda aktisi» dep atalatyn mobıldi qosymsha. Onyń kómegimen bıznes qabyldaý-berý baqylaý aktilerin túze alady jáne sol arqyly bir-birine taýarlardy kodtarmen beredi», - dedi Bıkesh Qurmanǵalıeva týraly elordada ótken telekommýnıkatsııa naryǵyn damytýǵa arnalǵan is-shara barysynda.
Onyń atap ótýinshe, Salyq komıtetiniń ótinishimen «Naqty saýda kassasy» dep atalatyn tegin qosymsha da ázirlengen.
«Bul jeke kásipkerlerge arnalǵan. Aqyly kassa apparatyn nemese qosymshany satyp ala almaıtyn kásipkerler bul ónimdi tegin paıdalana alady. Sonymen qatar tutynýshylardyń satyp alǵan taýarlaryn baqylaýy úshin de mobıldi qosymsha ázirlendi», - dedi ortalyq basshysy.