Elimizde satylǵan ár úsh avtokóliktiń ekeýi Qazaqstanda shyǵarylǵan
Qaýymdastyqtyń habarlaýynsha, 2020 jyldyń qańtaryndaǵy jaǵdaımen Qazaqstanda óndiris kólemi ótken jylǵy kórsetkishpen salystyrǵanda 81,9% ulǵaıyp, 35,845 mln teńgeni quraǵan.
Negizgi ósim burynǵydaı jeńil kólik esebinen bolyp otyr. Jeńil kólikti óndirý 67%-ǵa – 5161 danaǵa ósken. Júk kóligin óndirýshiler 8 ese joǵary kórsetkishke ósip, 549-ǵa deıin jetti. Al avtobýs shyǵarý kólemi burynǵy qalpynda qaldy, máselen byltyr 39 dana bolsa, bıyl 33 dana.
«Ótken jyly avtomobıl óndirýshiler óndiristi eki ese arttyrdy. Sonymen birge, jeńil avtomobıl jasaý salasynyń elimizdegi mashına jasaý qurylymyndaǵy úlesi 38% -ǵa joǵarylady. Biz ósý kórsetkishi bıyl da kútiledi. Biraq onyń qalaı ósetini aldaǵy satylý naryǵyna baılanysty aıqyndalady», - deıdi Qazaqstan avtobıznes qaýymdastyǵynyń vıtse-prezıdenti Anar Maqasheva.
Aldyn ala boljam boıynsha, qostanaılyq «SaryarqaAvtoProm» kompanııasy 2816 dana tehnıka shyǵarsa, óskemendik kásiporyn «AzııaAvto» 2538 kólik quraǵan. Semeıdegi «SemAZ» avtoqurastyrý zaýyty 296 júk tıeıtin kólik qurasa, kókshetaılyq «KAMAZ Injınırıng» 60 tehnıka, «Daewoo Bus Kazakhstan» 32 avtobýs shyǵarsa, «Hyundai Trans Auto» kommertsııalyq tehnıka shyǵarǵan.
Jergilikti óndiris avtomobılderi barlyq satylymdardyń 61% -ynan asty, ıaǵnı qańtar aıynda 3,5 myń dana shyǵaryldy degendi bildiredi. Elde satylǵan ár úsh kóliktiń ekeýi Qazaqstanda shyǵarylǵan.
Endi óńirlerdegi iri avtokásiporyndardyń biri «Saryarqa AvtoProm» jumysyna toqtalyp óteıik. Qostanaıdaǵy zaýyt bıyl 50 avtokólikti naryqqa shyǵarmaq. Osylaısha óndiris aýqymy birneshe ese kóbeıedi.
Kásiporynda byltyr 26 myńǵa jýyq kólik qurastyrylǵan. Bul 2018 jylǵy kórsetkishten eki ese kóp. «Saryarqa AvtoProm» zaýytynyń dırektory Syrym Semeıbaevtyń aıtýynsha, otandyq kólikterge degen suranystyń ósýi el ekonomıkasyn damytýǵa septigin tıgizedi.
«Qostanaıdaǵy zaýyttan álemdik brend sanalatyn kólikterdiń jeti túri shyǵarylady. Alǵashqy ashylǵanda tek daıyn bólshekter qurastyrylatyn. Búginde jumys dánekerleý men syrlaýdan bastalady. ıAǵnı, ónimniń otandyq úlesi artqan. Sonymen qatar óndiris aýqymy da eselep ósýde. Mysaly bıyl jeliden shyǵatyn kólik sanyn 50 myńǵa deıin jetkizý josparlanyp otyr. Óndiristiń artýy tikeleı suranysqa baılanysty. Al suranystyń ósý sebebi memlekettiń otandyq kólikti satyp alýshylarǵa jeńildetilgen nesıe berýinde. Servıstik qyzmet jolǵa qoıylǵan. Óndiris artqan saıyn ónimniń ózindik quny da tómendeı beredi», - deıdi zaýyt basshysy.
Dáýlet Nysanbaevtyń osy kásiporynnda jumys istegenine 6 jyl. Bastapqyda ózge de jergilikti mamandarmen birge Qytaıdaǵy zaýytqa baryp tájirıbe jınap qaıtqan. Qazir kánigi sheberlerdiń biri. Ol basqaratyn dánekerleý tsehynda táýligine 16 kóliktiń kabınasy qurastyrylady.
«Bizde jalpy óndiris bóliminde 1300 adam eńbek etedi. Zaýyt olarǵa tek jalaqy tóleýmen shektelmeı áleýmettik jaǵynan da jan-jaqty qoldaý kórsetedi. Qala boıynsha tegin avtobýs júredi. Ashanada tegin túski as beriledi. Kópbalaly otbasylarǵa mektepke qajettilikterge kómektesedi. Jańa sport zaly salyndy. Tennısten, fýtboldan týrnırler ótedi. Bulardyń bári bizge jaqsy kómek», - dedi Dáýlet Nysanbaev.
Sonymen, otandyq kólikke degen suranys ishki, syrtqy naryqta básekelestikke tótep berip, avtomobıl óndirisiniń alǵa basýyna múmkindik berip otyr. Al óndiristiń damýy myńdaǵan jumys oryndary ashylyp, aldymen eldiń áleýmettik ahýalyn túzeýge sep bolary anyq.