Elimizde salynǵanyna 70 jyldan asqan 500-den astam mektep bar

ASTANA. QazAqparat – Búginde mektepterde 240 myń oqýshy orny tapshy. Eger jańa mektepter salynbasa 2025 jylǵa qaraı 1,2 mln oryn tapshylyǵy týyndaıdy. Bul týraly Oqý-aǵartý birinshi vıtse-mınıstri Sholpan Karınova málim etti, dep habarlaıdy QazAqparat tilshisi.

«Búginde elimizde paıdalanýǵa berilgenine 50-70 jyldan asqan 500-den astam mektep bar. Árıne, olardy aýystyrý kerek. Sonymen qatar úsh aýysymdy jáne apatty jaǵdaıdaǵy mektepter de bar. Qazir elimiz boıynsha 148 mektep úsh aýysymda jumys istep tur. Bul bala týý kórsetkishiniń artýymen baılanysty. ıAǵnı bala týý oń dınamıkany kórsetip otyr. Búginde mektepterde 240 myń oqýshy orny tapshy. Eger osy jańa mektepterdi salý máselesindereý qolǵa alynbasa 2025 jylǵa qaraı 1,2 mln oryn tapshylyǵy týyndaıdy. Bul fakt. Byltyr el aýmaǵynda 247 mektep salynyp, 135 bala mektep ornymen qamtyldy», – dedi Sholpan Karınova «Samruk-Kazyna Construction»-da ótken «Jaıly mektep» jobasyn iske asyrýdy talqylaý barysynda.

Birinshi vıtse-mınıstrdiń aıtýynsha, sońǵy 20 jyl ishinde 1 myńnan astam mektep salyndy.

«Prezıdent saılaýaldy baǵdarlamasynda 1,5 mln oqýshy ornymen qamtamasyz etýdi tapsyrdy. Sonyń ishinde 842 myń oryn osy «Jaıly mektep» jobasy aıasynda sheshimin tappaq. Qalǵan mektep oryndary týraly biz bólek aıtatyn bolamyz», - deıdi ol.

Buǵan deıin habarlaǵanymyzdaı «Jaıly mektep» aýyldyq jerlerde de salynbaq.