Elimizde salynatyn AES qurylysyna qansha qarajat jumsalady

NUR-SULTAN. QazAqparat – Elimizde AES-tiń eki reaktorynyń qurylysyna 10-12 mlrd dollar jumsalýy múmkin. Bul týraly «Samuryq-Qazyna» AQ-niń enshiles kásiporny «Qazaqstan atom elektr stantsııalary» JShS baspasóz qyzmeti málimdedi, dep habarlaıdy QazAqparat.

«Aldyn ala esepteýler boıynsha, Qazaqstanda árqaısysynyń qýaty 1,4 myń MVt bolatyn 2 reaktorly AES salý kerek. Boljam boıynsha onyń qurylysyna 10-12 mlrd dollar qajet. Sondaı-aq, AES-ti paıdalaný merzimin 60 jyldan 100 jylǵa deıin uzartý múmkindigin qarastyramyz. Jalpy, AES qurlysyn nesıe berý arqyly nemese kommertsııalyq joba aıasynda salý usynylady», - dep kórsetilgen habarlamada.

«Qazaqstan atom elektr stantsııalary» seriktestiginiń málimetinshe, elimizde AES salýǵa 6 sheteldik kompanııa nıet bildirgen.

«Elimizde AES salýǵa nıetti KHNP (Ońtústik Koreıa), EDF (Frantsııa), Rosatom (Reseı), NuScale Power (AQSh), CNNC (Qytaı), General Electric-Hitachi (AQSh pen Japonııanyń birlesken kompanııasy) kásiporyndarynan usynys tústi. Biz 3 nemese 3+ býynyna sáıkes keletin reaktorlardy salýdy qarastyryp otyrmyz, óıtkeni olar qaýipsiz. Bul baǵytta bizdiń talaptarǵa saı keletin Reseı, Koreıa, Frantsııa jáne Qytaı kompanııalarynyń reaktorlary bar. Al, shaǵyn jáne orta qýatty rektorlardy AQSh-tyń General Electric-Hitachi jáne NuScale kompanııalarynan alý boıynsha kommertsııalyq jumystar pysyqtalyp jatyr», - delinedi seriktestik málimdemesinde.

Aqparatqa qaraǵanda, AES shamamen 6 jylda salynady. Degenmen, usynysty qoǵamdyq talqylaýdan ótkizýge, qajetti qujattar daıyndaýǵa da ýaqyt kerek. Jalpy alǵanda, bul protsess 10 jyl merzimdi qamtıdy.