Elimizde salyq túsimderi 1,5 esege artqan

NUR-SULTAN. QazAqparat - Jyl basynan beri memlekettik bıýdjetke 6 293,1 mlrd teńge salyq túsimderi tústi. Bul ótken jyldyń sáıkes kezeńimen salystyrǵanda 2 145,3 mlrd teńgege kóp. Dep habarlaıdy QazAqparat Memlekettik kirister komıtetine silteme jasap.

«Respýblıkalyq bıýdjetke túsimderdiń eń kóp somasy korporatıvti tabystan tústi – 624,1 mlrd teńge. Іshki óndiris taýarlaryna qosylǵan qun salyǵy – 494,4 mlrd teńgege, munaıǵa salynatyn eksporttyq keden bajdary – 356,5 mlrd teńgege, úshinshi elderden ımportqa qosylǵan qun salyǵy – 112,8 mlrd teńgege, paıdaly qazbalardyń óndirisine salynatyn salyǵy – 70,5 mlrd teńgege jáne EAEO elderinen ımportqa qosylǵan qun salyǵy 66,6 mlrd teńgege óskeni baıqalady», - dep jazdy vedomstvodan.

Komıtettiń málimetinshe, túsimderdiń ósýine munaıǵa 65,1%, alıýmınııge 44,0%, myryshqa 37,9%, qorǵasynǵa 12,6%, mysqa 10,1% jáne altynǵa 4,4% baǵanyń artýy yqpal etken. Shıki munaıǵa salynatyn kedendik áketý bajynyń mólsherlemesi de 56,4%-ǵa ósti.