Elimizde rektor laýazymyn atqarý merzimine qatysty usynys jasaldy
«Elimizde ondaǵan jyldar boıy tapjylmaı rektorlyq qyzmet atqaryp kele jatqandar bar. Naryq zamanynda bul durys emes dep oılaımyn. Rektorlardy joǵary oqý oryndarynda tórt jylǵa taǵaıyndap jáne ol eki merzimnen artyq rektor laýazymynda qyzmet atqara almaıtyndaı qaǵıdat engizýimiz kerek. Menim pikirimshe, ulttyq JOO-dan basqa barlyq óńirdiń áleýmettik-ekonomıkasyna mamandar daıarlaıtyn óńirlik joǵary oqý oryndaryn «Qamqorshylar Keńesine» súıenip basqarý arqyly ortalyqsyzdandyrý durys dep esepteımin», - dedi M. Baqtııaruly.
Budan buryn habarlanǵandaı, búgin Senattyń jalpy otyrysynda mektepte bilim berý júıesin ońtaıly basqarý tıimdiligin qamtamasyz etý úshin Bilim jáne ǵylym mınıstrligi bazasynda shtat sanyn kóbeıtpeı eki mınıstrlik: Bilim mınıstrligi men Joǵary bilim jáne ǵylym mınıstrligin qurý usynyldy.