Elimizde problemalyq qaryzy ótelgen 1,4 mln azamattyń mártebesi ózgerdi

NUR-SULTAN. QazAqparat - Qazaqstanda kredıt tarıhy nashar qaryz alýshylardy ońaltý tásilderi ázirlendi. Bul jaıynda QR Qarjy naryǵyn retteý jáne damytý agenttiginiń tóraıymy Mádına Ábilqasovanyń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Agenttiktiń qarjy naryǵyna qatysýshylarmen jáne «Qazaqstan qarjygerleriniń qaýymdastyǵy» ZTB-men birlesip, kredıt tarıhy nashar qaryz alýshylardy ońaltý tásilderin ázirlegenin habarlaımyz», - dedi ol.

Onyń atap ótýinshe, ońaltý algorıtmi buryn problemalyq qaryzdaryn ótegen 1,4 mln azamatqa «ońaltyldy» mártebesin berýdi kózdeıdi.

«90 kúnnen astam merzimi ótken qaryzdary bar qaryz alýshylarǵa qatysty ońaltýdan ótý kezeńderi (ońaltýǵa ótinish berý, bereshekti qaıta qurylymdaý nemese qaryzdy qaıta qarjylandyrý rásimderin ázirleý, qaryz alýshy men kredıtor arasynda kelisim jasaý, qaryz

boıynsha tólemderdi jańartý) belgilendi. Olardan ótý nátıjeleri boıynsha qaryz alýshyǵa «ońaltyldy» mártebesi beriledi. Ońaltý rásimin shamamen 600 myń boryshker paıdalana alady», - dedi agenttik tóraıymy.