Elimizde Prezıdenttik jastar kadr rezervine irikteý bastalady. Ótinimdi qalaı berýge bolady?

ASTANA. QazAqparat - 1 qyrkúıekten bastap Qazaqstanda Prezıdenttik jastar kadr rezervine kezekti irikteý bastalady, dep habarlaıdy QazAqparat Memlekettik qyzmet isteri agenttigine silteme jasap.

Іrikteýge jasy 35-ten aspaǵan, joǵary bilimi jáne 5 jyl jalpy jumys tájirıbesi bar, memlekettik tildi V1 deńgeıinen tómen emes meńgergen Qazaqstan Respýblıkasynyń azamaty qatysa alady.

Іrikteý birneshe kezeńnen turady jáne 2023 jyldyń 1 qyrkúıek – 25 jeltoqsan aralyǵynda ótedi. Onyń qorytyndysy boıynsha rezervke úzdik 50 úmitker irikteledi. Rezervte bolý merzimi – 3 jyl. Osy kezeńde rezervshiler konkýrstyq irikteýsiz ártúrli memlekettik laýazymdarǵa taǵaıyndalýy múmkin.

Qatysýǵa ótinimdi pkrezerv.gov.kz saıtynda 1-30 qyrkúıek aralyǵynda berýge bolady.

Saıtqa qalaı tirkeledi?

Aǵymdaǵy jyldyń 1 qyrkúıeginen 30 qyrkúıegine deıin qatysýshy JSN jáne elektrondyq poshtany engizý arqyly saıtta tirkeýden ótýi qajet.

Úmitkerdiń jasyn teksergennen keıin júıe oǵan jeke kabınette anketany toltyrýǵa jáne qajetti qujattardy júkteýge múmkindik beredi.

Jobaǵa qatysý úshin qandaı qujattar qajet?

Saıtqa tirkelý úshin kelesi qujattardyń kóshirmelerin júkteý qajet:

1) joǵary bilim týraly dıplom;

2) eńbek qyzmetin rastaıtyn qujat (QR Eńbek kodeksiniń 35-babyna sáıkes);

3) memlekettik tildi B1 deńgeıinen tómen emes meńgergenin rastaıtyn ári jaramdy QAZAQ RESMI TEST nemese KAZTEST sertıfıkaty.

Sondaı aq tirkeý kezinde qatysýshylar alty salalyq baǵyttyń birin tańdaýy kerek:

1. Infraqurylymdy, ónerkásipti damytý jáne saýda saıasaty;

2. Agroónerkásiptik keshen jáne qorshaǵan ortany qorǵaý;

3. Syrtqy saıasat jáne ınvestıtsııalar

4. Ekonomıkalyq jáne qarjylyq saıasat;

5. Tsıfrlandyrý

6. Áleýmettik saıasat jáne azamattyq qoǵam;

Memlekettik tildi bilý týraly sertıfıkatty qalaı alýǵa bolady?

Ótinim berý kezinde memlekettik tildi meńgergeni týraly sertıfıkat bolmaǵan jaǵdaıda úmitkerge saıtta berilgen promokod arqyly QR Ǵylym jáne joǵary bilim mınıstrliginiń «QAZTEST» júıesinde oflaıyn nemese QR Prezıdenti janyndaǵy Memlekettik basqarý akademııasynyń QAZAQ RESMI TEST boıynsha onlaın testileýden bir ret tegin ótý múmkindigi beriledi. Qazaq RESMI TEST nemese QAZTEST-te testileýden ótý úshin saıtta usynylǵan promokodty kandıdat jeke ózi paıdalanýy tıis.

Qazaq RESMI TEST nemese QAZTEST-te testileýden ótý úshin usynylǵan promokodty kandıdat jeke ózi paıdalanýy tıis. Úmitker tıisti sertıfıkat alǵannan keıin irikteýge qatysý úshin tirkeýdi aıaqtaı alady. Sertıfıkat berý merzimi – 2-7 jumys kúni aralyǵyn quraıdy.

Testileý – Mátindik aqparatpen jumys isteý qabiletterin baǵalaýǵa qalaı jazylýǵa bolady?

Testileýdiń birinshi blogy – «Mátindik aqparatpen jumys isteý qabiletterin baǵalaýǵa» jazylý ótinimniń qabyldanǵanyn rastaıtyn habarlamany alǵan sátten bastap 2023 jylǵy 30 qyrkúıek saǵat 23.59-ǵa deıin ashyq bolady. Qatysýshy usynylǵan nusqalardan testileý ýaqytyn tańdaýy kerek.

Keri baılanys

Tirkelý barysynda suraqtar týyndaǵan jaǵdaıda úmitker 24/7 jumys jasaıtyn pkrezerv.gov.kz saıtyndaǵy Jivo saıt nemese [phone] nómir boıynsha qoldaý qyzmetine, sondaı-aq [e-mail] elektrondyq poshtasyna hat joldaý arqyly júgine alady.