Elimizde páter sany az úılerdi basqarýdyń jańa tártibi engizilmek
«Zań kóppáterli turǵyn úılerdi basqarý tetigin jaqsartýǵa jáne turǵyn úı qatynastary sýbektileriniń keıbir fýnktsııalaryn naqtylaýǵa; kondomınıým obektilerin basqarý jáne kútip ustaý jónindegi qyzmette ashyqtyqty qamtamasyz etýge jáne osy protseske páter ıelerin, turǵyn emes úı-jaılardy belsendi tartýǵa baǵyttalǵan. Búgingi tańda elimizde kóppáterli turǵyn úılerdiń turǵyndary aldynda birqatar problema bar: turǵyn jáne turǵyn emes úı-jaılar ıeleriniń belsendiliginiń tómen deńgeıi, kondomınıým obektilerin tirkeýdegi máseleler, servıstik kompanııalarmen sharttar jáne basqa da kemshilikter», - dedi QR Parlamenti Senatynyń depýtaty Baýyrjan Qanıev.
Onyń aıtýynsha, 2019 jyly qabyldanǵan múlik menshik ıeleriniń birlestigine kóshý jónindegi normalar áli tolyq kólemde iske asyrylmaǵan. Basqarýdyń jańa nysandaryna kóshý reformasy aıasynda kóppáterli turǵyn úılerdiń 85%-y jaı seriktestik nysanyna kóshti, al múliktiń menshik ıeleri birlestigin nebári 11,5% -y tańdady. Sonymen qatar, 1436 kóppáterli turǵyn úı áli kúnge deıin basqarýdyń eshqandaı túrin tańdaǵan joq.
Zańda kondomınıým obektisin basqarýdyń jeke nysanyn – tikeleı birlesip basqarý nysanyn qurý kózdeledi. Bul nysan páterler sany on altydan aspaıtyn turǵyn úıge qatysty qoldanylady. Jaı seriktestik qurý úshin de páterler sanyn shekteý usynylady. Ol otyz páterden aspaıtyn turǵyn úılerde qurylýy múmkin. Qalǵan kóppáterli turǵyn úıler úshin múliktiń menshik ıeleri birlestigi nysany qoldanylýy tıis.
«Osyǵan oraıda Zańda qarapaıym seriktestik qurý kezinde páterler sany boıynsha 30 páterge deıin shekteý engizý eskerilgen. Budan basqa, respýblıka boıynsha shamamen 10 211 az páterli úı bar. Mundaı úılerde páterlerdiń sanynyń az bolýy sebepti múliktiń menshik ıeleri birlestigine nemese qarapaıym seriktestikke tıimsiz. Bul turǵyda basqarýdyń jańa nysanyn, ıaǵnı tikeleı birlesip basqarý usynylady. Bul nysandy páterler sany 16-ǵa deıingi úıler úshin jasaýǵa bolady», - dedi senator.
Zańda turǵyndar arasynda basqarý nysanyn tańdaý týraly kelisim bolmasa, onda tıisti qadamdar eskerilip otyr. Osy oraıda jergilikti atqarýshy organdardyń turǵyn úı ınspektsııasyna bir jylǵa deıingi merzimge ýaqytsha basqarýshy kompanııany anyqtaýǵa múmkindik berý týraly norma engizilip jatyr.
Sonymen qatar, kondomınıým obektisin basqarýdyń jańa nysandary qurylǵansha qurylys salýshyǵa alty aıǵa deıingi merzimge basqarýshy kompanııany tartýǵa múmkindik beretin norma qarastyrylǵan.
«Bul zańda kóppáterli turǵyn úılerdi basqarýsyz jáne kútip-ustaýsyz qaldyrmaýǵa múmkindik beretin birqatar normalar engizilip otyr», - dedi depýtat.