Elimizde para alý týraly habarlaǵan adamǵa sol paranyń 10 paıyzy beriledi

NUR-SULTAN. QazAqparat – Elimizde para almaq bolǵan jaǵdaı týraly habarlaǵan adamǵa paranyń 10%-y beriledi. Bul týraly QazAqparat Finprom.kz resýrsyna silteme jasap habarlaıdy.

Saýalnamaǵa sáıkes, qazaqstandyqtardyń 31% -y eshqashan sybaılas jemqorlyqqa qarsy qyzmetpen birge jumys istep kórmegen. Qazaqstandyqtardyń sybaılas jemqorlyqpen belsendi kúreskeni úshin alatyn eń kóp somasy – 10,6 mıllıon teńge.

2020 jylǵy qańtar-aqpan aılarynda sybaılas jemqorlyqqa qatysty 1255 qylmystyq is qaraldy. Bul ótken jyldyń sáıkes kezeńimen salystyrǵanda 0,1% az kórsetkish. Onyń ishinde aýyr sybaılas jemqorlyq qylmystar – 885, ortasha sybaılas jemqorlyq qalmystar – 207.

QR Ulttyq ekonomıka mınıstrliginiń janyndaǵy Statıstıka komıtetiniń 2019 jyly júrgizgen statıstıkasy boıynsha, qazaqstandyqtardyń sybaılas jemqorlyqqa qarsy qyzmetke degen senimi 16,1%-dan 25,1%-ǵa deıin artqan. Bul qyzmet túrine tolyq senbeıtinderdiń qatary 4,1%-dan 1,6%-ǵa qysqarǵan.

Qazaqstan Respýblıkasynyń sybaılas jemqorlyqqa qarsy is-qımyl agenttiginiń qoldaýymen 2019 jyldyń 24 jeltoqsanynan 2020 jyldyń 2 qańtaryna deıin eldegi sybaılas jemqorlyqty qabyldaý deńgeıiniń jáne azamattardyń ar-uıat áleýetin zertteý jumystary júrgizilgen.

Qazaqstan boıynsha 18 jastan asqan 58 myńnan astam adam saýalnamaǵa qatysqan. Respondentterdiń 30,8% -y sybaılas jemqorlyqqa qarsy is-sharalarǵa erikti retinde qatysýǵa daıyn ekenin bildirse, 63% -y sybaılas jemqorlyqqa qarsy sharalarǵa jalpy qatysýǵa daıyn ekenin bildirgen.