Elimizde ortasha jalaqy 149 myń teńgeni qurady - UEM

ASTANA. QazAqparat - 2017 jyldyń qazanynda Qazaqstanda jumyssyzdar sany 438 myń adamnan asyp, bul kórsetkish ekonomıkalyq belsendi halyqtyń sanyna 4,9 paıyzdy qurady. Bul týraly QR Ulttyq ekonomıka mınıstrligi taratqan málimetinde aıtylǵan, dep habarlaıdy QazAqparat.

Jumyspen qamtý organdarynda jumyssyzdar retinde tirkelgender sany 2017 jylǵy qazannyń sońyna 134,6 myń adamdy qurady nemese ol eldiń ekonomıkalyq belsendi halqynyń sanyna 1,5 paıyz deńgeıinde. 

Budan bólek, 2017 jylǵy qyrkúıekte halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 79391 teńgeni qurady.  Bul 2016 jylǵy qyrkúıekke qaraǵanda 4,3 paıyzǵa joǵary, naqty aqshalaı tabys kórsetilgen kezeńde 2,6 paıyzǵa  tómendedi.

«2017 jylǵy qazanda bir qyzmetkerdiń ortasha aılyq ataýly jalaqysy 149917 teńgeni qurady»,- dep atap ótilgen mınıstrlik málimetinde.