Elimizde ortasha aılyqtyń kólemi azaıǵan

ASTANA. QazAqparat – Ulttyq ekonomıka mınıstrligi jyldyń alty aıyndaǵy negizgi áleýmettik-ekonomıkalyq kórsetkishterdi jarııalady, dep habarlaıdy QazAqparat tilshisi.

«Eldiń halyqaralyq rezervteri 2023 jylǵy 1 shildedegi jaǵdaı boıynsha 94,2 mlrd AQSh dollardyn qurad, 2023 jyldyń basyna qaraǵanda 3,8% ósti. Ulttyq banktiń altyn-valıýta aktıvteri 1,8%, 34,5 mlrd AQSh dollaryna deıin tómendedi. Ulttyq qordyń shetel valıýtasyndaǵy aktıvteri 7,3%, 59,8 mlrd AQSh dollaryna deıin ulǵaıdy», - dep jazylǵan mınıstrliktiń málimetinde.

Vedomstvo dereginshe, halyqtyń jan basyna shaqqandaǵy aqshalaı kirisi mamyr aıynda 170,1 myń teńge bolǵan.

Bul 2022 jylǵy mamyrmen salystyrǵanda 2,6% tómen.

«Ortasha aılyq jalaqy 2023 jylǵy I toqsanda 340,6 myń teńge boldy jáne 2022 jylǵy sáıkes toqsanmen salystyrǵanda nomınaldy mánde 19,3% artyp, naqty mánde 0,6%-ke tómendedi. Jumyssyzdyq deńgeıi 2023 jylǵy I toqsanda 4,8% boldy», - delingen anyqtamada.