Elimizde órt sany azaıǵanymen, ólim-jitim kóbeıip tur

NUR-SULTAN. QazAqparat – Osy jyldyń basynan beri elimizdiń aýmaǵynda 7,5 myń órt tirkeldi. Bul týraly Úkimet otyrysynda QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.

«Jyl basynan beri Qazaqstan Respýblıkasynda 7 515 órt tirkelip, saldarynan 251 adam qaza tapty. 217 adam túrli deńgeıde kúıik shalyp, ýlanyp qaldy. 2020 jyldyń dál osyndaı kezeńimen salystyrǵanda, órttiń jalpy sany 7 paıyzǵa tómendegenimen qaza tapqandar sany 20 paıyzǵa, al jaraqattanǵandar 18 paıyzǵa artyp otyr», - dedi ol.

Mınıstrdiń dereginshe, jeke turǵyn úı sektorynda 4 myńnan astam órt tirkeldi. Bul elimizde bolǵan barlyq órttiń 58 paıyzyn quraıdy.

«Shynaıy saraptama júrgizý maqsatynda óńirlerdiń órt qaýpi kórsetkishi aýmaqta turatyn halyqtyń sanyn eskere otyryp esepteledi. Nátıjeleri eń kúrdeli ahýal Soltústik Qazaqstan, Aqmola, Shyǵys Qazaqstan jáne Qostanaı oblysynda ekendigin kórsetti. Bul óńirlerdegi órt jáne odan qaza tapqandardyń sany ortasha respýblıkalyq kórsetkishten 2-3 esege asyp túsedi», - dedi ıÝrıı Ilın.