Elimizde nan baǵasynyń ósýi nemen baılanysty

NUR-SULTAN. QazAqparat – Qazaqstan astyq óndirýshiler odaǵynyń tóraǵasy Nurlan Ospanov elimizde nan baǵasyna qatysty pikir bildirdi, dep habarlaıdy QazAqparat tilshisi.

«Nan baǵasynyń arzandaýy nemese qymbattaýy bıdaı baǵasyna baılanysty. Eger bizde bıdaıdyń tonnasy 120 myń teńge bolsa, onda nan 120 teńge turady. Shottardy jeńildetý úshin memlekettik organdar da osylaı esepteıdi. Sondyqtan biz boljaǵandaı bıdaı baǵasy tómendeıtin bolsa, tıisinshe elimizde nan baǵasynyń óspeýine barlyq negiz bar», - dedi Nurlan Ospanov elordada ótken dóńgelek ústel barysynda tilshilerdiń suraǵyna jaýap bere otyryp.

Degenmen, odaq basshysynyń aıtýynsha, bıdaı men nan quny arasynda tikeleı korrelıatsııa joq.

«Bıdaı baǵasy nan óndirý kezindegi jalpy shyǵynnyń shamamen 30%-yn quraıdy. Odan bólek, nan óndirýde elektr energııasy, janar-jaǵarmaı, taǵy basqa shyǵyndar bar. Sondyqtan tikeleı korrelıatsııa bolmaýy múmkin. Biraq nan baǵasy, teorııa boıynsha, tómendeýi múmkin. Sol sııaqty nan baǵasynyń tómendeýi basqa da azyq-túlik (et, jumyrtqa, kúnbaǵys maıy) baǵasynyń arzandaýyna yqpal etedi. Bul múmkin nárse», - deıdi ol.

Buǵan deıin habarlaǵanymyzdaı Qazaqstan astyq óndirýshiler odaǵy ımportqa tyıym salýdy usynyp otyr .

Sondaı-aq, otandyq bıdaı baǵasyna áser etetin birneshe faktor belgili boldy.